ସୁନ୍ଦରଗଡ଼ ୨୯/୫,(ଉତ୍କଳ ସମାଚାର) ଅବୈଧ ଜୁଆ କାର୍ଯ୍ୟକଳାପ ଉପରେ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି, ସୁନ୍ଦରଗଡ଼ ଜିଲ୍ଲାର ହାତୀବାରି ପୋଲିସ ଏକ ଆଇପିଏଲ୍ ବେଟିଂ ରାକେଟର ପର୍ଦ୍ଦାଫାସ କରିବା ସହ କ୍ରିକେଟ ବେଟିଂ କାର୍ଯ୍ୟରେ ସମ୍ପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିଛି।ପୋଲିସର ସୂଚନା ଅନୁସାରେ, ଅଭିଯୁକ୍ତ ଜଣକ ଚଳିତ ଆଇପିଏଲ (IPL) କ୍ରିକେଟ ମ୍ୟାଚ୍ ସହିତ ଜଡିତ ଏକ ବେଆଇନ ବେଟିଂ ନେଟୱାର୍କ ଚଳାଉଥିଲା। ଅନଲାଇନ୍ ଏବଂ ଅଫଲାଇନ୍ ବେଟିଂ କାର୍ଯ୍ୟକଳାପ ମାଧ୍ୟମରେ ଲୋକଙ୍କୁ ଲକ୍ଷ ଲକ୍ଷ ଟଙ୍କା ଠକୁଥିଲା। ନିର୍ଭରଯୋଗ୍ୟ ସୂଚନା ଆଧାରରେ, ପୋଲିସ ଏକ ଚଢାଉ କରି ରାକେଟର ଦୁଇ ସଦସ୍ୟଙ୍କୁ ଗୁରୁବାର ଦିନ ଗିରଫ କରିଛି।ଢାଉ ସମୟରେ, ପୋଲିସ୍ ୩ ଲକ୍ଷ ୯୫ ହଜାର ନଗଦ ଟଙ୍କା ସହିତ ଏକ କାର ଏବଂ ବେଟିଂ କାର୍ଯ୍ୟକଳାପ ସହିତ ଜଡିତ ଅନ୍ୟାନ୍ୟ ଅପରାଧିକ ସାମଗ୍ରୀ ଜବତ କରିଛି। ବେଟିଂରେ ସମ୍ପୃକ୍ତ ଥିବା ଦୁଇ ଅଭିଯୁକ୍ତମାନଙ୍କୁ ପଚରାଉଚରା କରାଯାଉଛି। ସୁନ୍ଦରଗଡ ପୋଲିସ ବେଆଇନ ବେଟିଂ ନେଟୱାର୍କରେ ଅଧିକ ବ୍ୟକ୍ତିଙ୍କ ସମ୍ପୃକ୍ତି ରହିଥିବା ସନ୍ଦେହ କରୁଛି। ରାକେଟର ବ୍ୟାପକ ଲିଙ୍କ୍ ଜିବା ଏବଂ ଅପରେସନରେ ଜଡିତ ଅନ୍ୟ ସହଯୋଗୀମାନଙ୍କୁ ଚିହ୍ନଟ କରିବା ପାଇଁ ଅଧିକ ତଦନ୍ତ ଜାରି ରହିଛି।ନ୍ଦରଗଡ଼ ଆରକ୍ଷୀ ଅଧିକ୍ଷକ ଅମୃତ ପାଲ କୌର କହିଛନ୍ତି ଯେ ଜିଲ୍ଲାରେ ବେଆଇନ ଜୁଆ, ସଟ୍ଟା ଅପରେସନ ଏବଂ କ୍ରିକେଟ ବାଜି କାର୍ଯ୍ୟକଳାପ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଜାରି ରହିବ। ଆଗାମୀ ଦିନରେ ଏହିପରି ବେଆଇନ କାର୍ଯ୍ୟକଳାପ ବିରୁଦ୍ଧରେ ପୋଲିସ ଚଢାଉ ଏବଂ କାର୍ଯ୍ୟାନୁଷ୍ଠାନ ଅଭିଯାନକୁ ତୀବ୍ରତର କରାଯିବ ବୋଲି ଶ୍ରୀମତୀ କୌର ଚେତାବନୀ ଦେଇଛନ୍ତି।
About the Author
