ଜୁଏଲ ଓରାମ ଓ ଦୁର୍ଗା ତନ୍ତୀଙ୍କ ମାରାଥନ୍ ପଦ ଯାତ୍ରା

ରାଉରକେଲା,୧୦/୫ (ଉତ୍କଳ ସମାଚାର): ଚଳିତ ସାଧାରଣ ନିର୍ବାଚନ ପରିପ୍ରେକ୍ଷୀରେ ଭାରତୀୟ ଜନତା ପାର୍ଟିର ଦଳୀୟ ଲୋକ ସଭା ପ୍ରାର୍ଥୀ ଜୁଏଲ ଓରାମ ଓ ରଘୁନାଥପଲ୍ଲି ବିଧାୟକ ପ୍ରାର୍ଥୀ ଦୁର୍ଗା ତନ୍ତି ଆଜି ସେକ୍ଟର -୧୬ ଜଗନ୍ନାଥ ପଲ୍ଲିରୁ ପଦ ଯାତ୍ରା ଆରମ୍ଭ କରି ପି ଏଚ କଲୋନୀ ପର୍ଯ୍ୟନ୍ତ ଘର ଘର ବୁଲି ନିର୍ବାଚନ ପ୍ରଚାର ଆରମ୍ଭ କରିଥିଲେ । ଭୋଟରଙ୍କୁ ବିଜେପି ପୁସ କାର୍ଡ ଦେବା ସହିତ ସେମାନଙ୍କର ବହୁମୂଲ୍ୟ ମତଦାନ ବିଜେପି ପ୍ରାର୍ଥୀଙ୍କ ସପକ୍ଷରେ ଦେବାପାଇଁ ଅନୁରୋଧ କରିଥିଲେ । ସେମାନେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଜୀଙ୍କ ବିକଶିତ ଭାରତ ଓ ଆତ୍ମ ନିର୍ଭରଶୀଳ ଭାରତ ଓ ବିବିଧ ଜନ ହିତକାରୀ ଯୋଜନା ଉପରେ ଜନତାଙ୍କୁ ବୁଝାଇ ଥିଲେ । ମୋଦୀ ଜୀ ଏକ ମାତ୍ର ରାଷ୍ଟ୍ରୀୟ ନେତା ଯିଏ ସର୍ବଦା ରାଷ୍ଟ୍ର ହିତ ଓ ବିଶ୍ୱ ଦରବାରରେ ଭାରତର ମାନ ବଡ଼ାଇ ବାକୁ ସର୍ବଦା ଚେଷ୍ଟିତ ବୋଲି ପ୍ରକାଶ କରୁ ଥିଲେ । କେନ୍ଦ୍ରରେ ଓ ରାଜ୍ୟରେ ବିଜେପି ସରକାର ଗଠନ କରି ରାଜ୍ୟର ସର୍ବାଙ୍ଗ ଉନ୍ନତି କରିବା ପାଇଁ ଜନତାଙ୍କୁ ପଦ୍ମଫୁଲ ଚିହ୍ନରେ ବଟନ୍ ଦବାଇ ବିଜୟୀ ବନାଇବା ପାଇଁ ଭୋଟ ଭିକ୍ଷା କରୁଥିଲେ । ଏହି କାର୍ଯ୍ୟ କ୍ରମରେ ଲୋକ ସଭା ମିଡିଆ ସଂଯୋଜକ ଗଙ୍ଗାଧର ଦାଶ, ରଘୁନାଥପଲ୍ଲୀ ବିଧାନ ସଭା କ୍ଷେତ୍ର ପ୍ରଭାରୀ ଶଶାଙ୍କ ଜେନା ଓ ସଂଯୋଜକ ଅଶୋକ ଲେଙ୍କା, ଜିଲ୍ଲା ସାଧାରଣ ସମ୍ପାଦକ ସୁବ୍ରତ ପଟ୍ଟନାୟକ, ଜିଲ୍ଲା ଉପସଭାପତି ମଳୟ ମହାପାତ୍ର, ମନୋରଞ୍ଜନ ମୁନି, ଅଜୟ କଂସାରି, ସନ୍ତୋଷ ବିରାଟ, ସୁଦାମ ସାହୁ, ବ୍ୟାସଦେବ ନାଥ, ପ୍ରଭାକର ସାହୁ, ଶ୍ୟାମ ନାୟକ, ତିଳୋତ୍ତମା ପୁରଣ, ମନୋଜ ସ୍ୱାଇଁ, ରାଜେଶ ପ୍ରସାଦ,ଭଗବାନ ପାତ୍ର,ନମ୍ରତା ବାଗ, ଶ୍ରୀକାନ୍ତ ପାଢ଼ୀ, ଅମର ସାହୁ, ପ୍ରତିମା ରାଉତ୍, ଲୋକେଶ ରାଉତ୍,ସୁରେଶ ରଜାକ, ଗାଡୁ ବାଗ ଆଦି ନେତ୍ରୁ ବୃନ୍ଦଙ୍କ ସହ ଶତାଧିକ କର୍ମୀ ସାମିଲ ହୋଇ ଥିଲେ ବୋଲି ଲୋକ ସଭା କ୍ଷେତ୍ର ମିଡିଆ ସଂଯୋଜକ ତଥା ଜିଲ୍ଲା ମୁଖପାତ୍ର ଗଙ୍ଗାଧର ଦାଶ ଏକ ପ୍ରେସ ବିବୃତିରେ ଜଣାଇ ଛନ୍ତି।