ରାଉରକେଲା ୩/୩,(ଉତ୍କଳ ସମାଚାର) ହୋଲି ପର୍ବ ନେଇ ବିର୍ସା ଡାହାର ପରିବାର ପକ୍ଷରୁ ମନୋକାମ୍ନା ସିଦ୍ଧି ହନୁମାନ ମନ୍ଦିର ସମ୍ମୁଖରେ ୨୦୨୬ ବର୍ଷ ପାଇଁ ହୋଲିକା ଦହନ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ମନ୍ଦିରର ପୁରୋହିତ ମଧ୍ଯରାତ୍ରି ୧୨ଟା ୪୦ରେ ରୀତିନୀତି ଅନୁଯାୟୀ ପୂଜା ଆରମ୍ଭ କରିଥିଲେ। କାର୍ଯ୍ୟକ୍ରମରେ ନରେଶ ଅଗ୍ରୱାଲ ଆବାହକ ଭାବରେ ପୂଜାରେ ଅଂଶଗ୍ରହଣ କରିଥିଲେ। ଏହା ପରେ, ମନ୍ତ୍ର ଉଚ୍ଚାରଣ କରି ପୂଜା କରାଯାଇଥିଲା ଏବଂ ହୋଲିକା ଦହନ କାର୍ଯ୍ୟକ୍ରମ ପରିଚାଳନା କରାଯାଇଥିଲା। ଉପସ୍ଥିତ ଭକ୍ତମାନଙ୍କ ଦ୍ୱାରା ଭକ୍ତ ପହ୍ଲାଦଙ୍କ ମନ୍ତ୍ରରେ ସମଗ୍ର ଅଞ୍ଚଳ ପ୍ରତିଧ୍ୱନିତ ହୋଇଥିଲା। ଏହି ହୋଲିକା ଦହନ କାର୍ଯ୍ୟକ୍ରମରେ ବହୁ ସଂଖ୍ୟକ ଲୋକ ଅଂଶଗ୍ରହଣ କରିଥିଲେ। ନବ ବିବାହିତ ମହିଳାମାନେ ହୋଲିକାକୁ ପରିକ୍ରମା କରି ଗୀତ ଗାଇଥିଲେ। ଏହି ଅବସରରେ ହୋଲି ଗୀତ ମଧ୍ୟ ବଜାଇ ଦିଆଯାଉଥିଲା। ରଙ୍ଗର ପର୍ବ ହୋଲି ଅବସରରେ ସମସ୍ତେ ଗୁଲାଲ ଏବଂ ଅବିର ଲଗାଇ ପରସ୍ପରକୁ ଶୁଭେଚ୍ଛା ଜଣାଇଥିଲେ। ସୁରେଶ ଅଗ୍ରୱାଲ, ରାଜେଶ ଅଗ୍ରୱାଲ, ଦିଲୀପ ଶର୍ମା, ଶୈଳେନ୍ଦ୍ର ଅଗ୍ରୱାଲ, ବମକାଇସ, ସୁରେଖା, ବିନୋଦ ଜୟସୱାଲ, ଅରବିନ୍ଦ ଠାକୁର, ଦୀପୁ ପ୍ରସାଦ, ରାଜେଶ ଝା, ରମେଶ ମିତ୍ତଲ ସମେତ ବିସ୍ରା ଡାହାର ପରିବାରର ସଦସ୍ୟମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ସେହିପରି ସହରର ନ୍ୟୁ ସିଭିଲ୍ ଟାଉନସିପ୍ ହୋଲିକା ଦହନ କମିଟି ଦ୍ୱାରା ଏକ ଭବ୍ୟ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ରାତି ୮ଟାରୁ ଭଜନ କାର୍ଯ୍ୟକ୍ରମ ସହିତ ଥଣ୍ଡାଇ ଏବଂ ଖାଦ୍ୟର ବ୍ୟବସ୍ଥା କରାଯାଇଥିଲା। ରାତ୍ରି ପୂଜା ପରେ ହୋଲିକା ଦହନର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ବହୁ ସଂଖ୍ୟକ ଲୋକ ଅଂଶଗ୍ରହଣ କରିଥିଲେ। ସେହିପରି ବାସନ୍ତୀ କଲୋନିର ପାଣି ଟାଙ୍କି ସମ୍ମୁଖ ଭୂମିରେ ହୋଲିକା ଦହନର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ମଧ୍ଯରାତ୍ର ପରେ ରାତ୍ର ୧ଟା ୧୫ରେ ହୋଲିକା ଦହନ କରାଯାଇଥିଲା। କମିଟି ଦ୍ୱାରା ଥଣ୍ଡାଇ, ଚା ଏବଂ ହାଲୁକା ଖାଦ୍ୟ ବଣ୍ଟନ କରାଯାଇଥିଲା। ସେହିପରି ମଧୁସୂଦନ ଚୌକ୍ ଉଦିତନଗର ଦ୍ୱାରକାପୁରୀ ହୋଟେଲ ସମ୍ମୁଖ ଏମ୍ପ୍ଲୟମେଣ୍ଟ ଏକ୍ସଚେଞ୍ଜ ଅଫିସ ଭୂମିରେ ହୋଲିକା ଦହନର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ସେହିପରି ସହରର ଅନ୍ୟାନ୍ୟ ଅଞ୍ଚଳରେ ହୋଲିକା ଦହନ କାର୍ଯ୍ୟକ୍ରମ ସମେତ ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜନ କରାଯାଇଥିଲା।
About the Author
