ରାଉରକେଲା ୧୯/୩,(ଉତ୍କଳ ସମାଚାର) ଶିବାଜୀ ମାର୍ଗ ସ୍ଥିତ ସରସ୍ୱତୀ ଶିଶୁ ବିଦ୍ୟାଳୟରେ ହିନ୍ଦୁ ନବବର୍ଷ ପାଳନ ପାଇଁ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ସକାଳ ୯ଟା ଠାରୁ ଆରମ୍ଭ ହୋଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଯୋଗ ଦେଇ ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ବିଦ୍ୟାଳୟ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀମାନେ ଗୀତ ଗାଇ ନୂତନ ବର୍ଷକୁ ସ୍ୱାଗତ କରିଥିଲେ। ବିଦ୍ୟାଳୟର ପ୍ରଧାନଶିକ୍ଷକ ଗୋବିନ୍ଦ ଚନ୍ଦ୍ର ମିଶ୍ର ହିନ୍ଦୁ ନବବର୍ଷରେ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମ ବିଷୟରେ ପିଲାମାନଙ୍କୁ ସୂଚନା ଦେଇଥିଲେ। ମୁଖ୍ୟ ଅତିଥି ବିଜୟ କୁମାର ସାହୁ ହିନ୍ଦୁ ରାଷ୍ଟ୍ର ଗଠନ ଏବଂ ହିନ୍ଦୁ ଭାବନାକୁ ପ୍ରେରଣା ଦେବା ଉପରେ ଗୁରୁତ୍ୱାରୋପ କରିଥିଲେ। ମୁଖ୍ଯ ଅତିଥି ଶ୍ରୀ ସାହୁ ପିଲାମାନଙ୍କୁ ବିଦେଶୀ ସାମଗ୍ରୀ ନୁହେଁ ବରଂ ସ୍ୱଦେଶୀ ସାମଗ୍ରୀ ଗ୍ରହଣ କରିବା ଉଚିତ ବୋଲି ବୁଝାଇଥିଲେ। ବରିଷ୍ଠ ଶିକ୍ଷୟିତ୍ରୀ ନୀଳିମା ସିଂହ ପିଲାମାନଙ୍କୁ ନୂତନ ବର୍ଷର ପ୍ରାଥମିକ ଏବଂ ଐତିହାସିକ ଗୁରୁତ୍ୱ ବିଷୟରେ ଅବଗତ କରାଇଥିଲେ। ଆଚାର୍ଯ୍ୟ ବିଜୟ ମହାନ୍ତି ନୂତନ ବର୍ଷରେ ହେବାକୁ ଥିବା ନୂତନ ପଦକ୍ଷେପ ବିଷୟରେ କହିଥିଲେ। ବିଦ୍ୟାଳୟ ପରିଚଳନା କମିଟିର କୋଷାଧ୍ୟକ୍ଷ ନାରାୟଣ ପାତ୍ର ସମସ୍ତଙ୍କୁ ଧନ୍ୟବାଦ ଜଣାଇଥିଲେ। ପ୍ରଧାନଶିକ୍ଷକ ଗୋବିନ୍ଦ ଚନ୍ଦ୍ର ମିଶ୍ର, କୋଷାଧ୍ୟକ୍ଷ, ଶିକ୍ଷକ ଏବଂ ଛାତ୍ରମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। କାର୍ଯ୍ୟକ୍ରମଟି ବନ୍ଦେ ମାତରମ୍ ଗାନ ସହିତ ଶେଷ ହୋଇଥିଲା।
About the Author
