ରାଉରକେଲା ୨୭/୬,(ଉତ୍କଳ ସମାଚାର) ପୋଲିସର ଅନୁସରଣ ଫଳରେ ଆଜି ରାଉରକେଲାରୁ ସମ୍ବଲପୁର ଯାଇଥିବା, ବିଜୁ ଏକ୍ସପ୍ରେସୱେର ଝାରସୁଗୁଡ଼ା – ସମ୍ବଲପୁର ରାସ୍ତାରେ ଦ୍ରୁତ ଗତିରେ ଯାଉଥିବା ଏକ ଗାଡିକୁ ପିଛା କରିବା ପରେ ପୋଲିସ ଦ୍ୱାରା ଗଞ୍ଜେଇ ଚାଲାଣ ହେଉଥିବା ଏକ ପ୍ରମୁଖ ରାକେଟକୁ ଜବତ ରାଯାଇଛି। ଏକ କାରରେ ଚୋରା ସାମଗ୍ରୀ ପରିବହନ କରାଯାଉଥିଲା ବେଳେ ପୋଲିସ ଏକ ଫିଲ୍ମ ଷ୍ଟାଇଲ୍ ଅପରେସନରେ ଗାଡିଟିକୁ ଅଟକାଇଥିଲା। ପୋଲିସ ସୂତ୍ର ଅନୁଯାୟୀ, ଅଧିକାରୀମାନେ ସମ୍ବଲପୁରରୁ ଝାରସୁଗୁଡ଼ା ଅଭିମୁଖେ ଆସୁଥିବା ଏକ କାର ଉପରେ ସନ୍ଦେହ କରି ଯାଞ୍ଚ ପାଇଁ ଏହାକୁ ଅଟକାଇବାକୁ ଚେଷ୍ଟା କରାଯାଇଥିଲା। କିନ୍ତୁ, ପୋଲିସକୁ ଦେଖି ଡ୍ରାଇଭର ଦ୍ରୁତ ଗତିରେ ଖସି ପଳାଇବାକୁ ଚେଷ୍ଟା କରିଥିଲା। ଫଳରେଛବିଜୁ କ୍ସପ୍ରେସୱେରେ ଦ୍ରୁତ ଗତିରେ ଯାଉଥିବା ଏହି ଗାଡିକୁ ପୋଲିସ୍ ପିଛା ଆରମ୍ଭ କରିଥିଲା। ଗୋଡା ଗୋଡି ପରେ, ଡ୍ରାଇଭର ଗାଡ଼ି ଉପରୁ ନିୟନ୍ତ୍ରଣ ହରାଇ ରାସ୍ତାର ଡିଭାଇଡରକୁ ଧକ୍କା ଦେଇଥିଲା ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି କ୍ଷତିଗ୍ରସ୍ତ କାର ମଧ୍ଯରେ ଖୋଜାଖୋଜି କରି ବହୁ ଗଞ୍ଜେଇ ପ୍ୟାକେଟ ଏବଂ ବସ୍ତାରେ ପ୍ୟାକ୍ ହୋଇଥିବା ବିପୁଳ ପରିମାଣର ଗଞ୍ଜେଇ ଜବତ କରିଥିଲା। ପ୍ରାଥମିକ ତଦନ୍ତରୁ ଜଣାପଡିଛି ଯେ ଦୁଇଜଣ ଅଭିଯୁକ୍ତ ବୌଦ୍ଧରୁ ଝାରସୁଗୁଡାକୁ ଚୋରା ଗଞ୍ଜେଇ ଚାଲାଣ କରୁଥିଲେ। ସେଠାରୁ ଏହାକୁ ପଡ଼ୋଶୀ ଛତିଶଗଡ଼ର ରାୟଗଡ଼କୁ ଚୋରା ଚାଲାଣ କରାଯିବାକୁ ଯୋଜନା କରାଯାଇଥିଲା। ପୋଲିସ ପଳାତକ ଅଭିଯୁକ୍ତଙ୍କୁ ଖୋଜାଖୋଜି ଆରମ୍ଭ କରିଛି ଏବଂ ଚାଲାଣ ପଛରେ ଥିବା ବୃହତ୍ତର ନିଶା ଚାଲାଣ ନେଟୱାର୍କର ତଦନ୍ତ କରୁଛି। ଜବତ ଗଞ୍ଜେଇକୁ ହେପାଜତକୁ ନିଆଯାଇଛି ଏବଂ ଅଧିକ ତଦନ୍ତ ଚାଲିଛି।
About the Author
