ରାଉରକେଲା ୨୯/୭,(ଉତ୍କଳ ସମାଚାର) ଓଡିଶା ଭିଜିଲାନ୍ସ ବିଭାଗ ପକ୍ଷରୁ ଦାୟର ଏକ ଗୁରୁତ୍ୱପୂର୍ଣ୍ଣ ଦୁର୍ନୀତି ନିବାରଣ ମାମଲାରେ ସୁନ୍ଦରଗଡ ଜିଲ୍ଲା ବଣାଇଁ ଆଞ୍ଚଳିକ ସମବାୟ ମାର୍କେଟିଂ ସୋସାଇଟି (ଆରସିଏମଏସ)ର ପୂର୍ବତନ ସଚିବ ଧୀରେନ୍ଦ୍ର କୁମାର ଶତପଥୀଙ୍କୁ ସୁନ୍ଦରଗଡ ଭିଜିଲାନ୍ସ କୋର୍ଟ, ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ କରିଛନ୍ତି। ସୂଚନା ଅନୁସାରେ ଆଜି କୋର୍ଟ ପକ୍ଷରୁ ପ୍ରକାଶିତ ରାୟରେ ସୁନ୍ଦରଗଡ ଜିଲ୍ଲା ବଣାଇଁ ଆଞ୍ଚଳିକ ସମବାୟ ବିପଣନ ସମାଜ (RCMS)ର ଅବସରପ୍ରାପ୍ତ ସଚିବ ଧୀରେନ୍ଦ୍ର କୁମାର ଶତପଥୀଙ୍କୁ ଓଡ଼ିଶା ଭିଜିଲାନ୍ସ ଦ୍ୱାରା ପିସି ଆଇନ, ୧୯୮୮/୪୦୯ IPC ର ଧାରା ୧୩(୨) r/w ୧୩(୧)(c)(d) ଅନ୍ତର୍ଗତ ଦୋଷୀ ସାବ୍ୟସ୍ତ କରାଯାଇଛି। ୨୦୦୩-୨୦୦୪ ମସିହାରେ RCMS, ବୋନାଇର ସାର ଖର୍ଚ୍ଚ ପାଇଁ ସରକାରୀ ଅର୍ଥର ଅପବ୍ୟବହାର ପାଇଁ ଚାର୍ଜସିଟ୍ କରାଯାଇଥିଲା। ସୁନ୍ଦରଗଡ ଭିଜିଲାନ୍ସ କୋର୍ଟର ସ୍ୱତନ୍ତ୍ର ବିଚାରପତିଙ୍କ ଦ୍ବାରା ଶ୍ରୀ ଶତପଥୀ ଦୋଷୀ ସାବ୍ୟସ୍ତ ହୋଇଛନ୍ତି। ବଣାଇଁ ଆରସିଏମ୍ଏସର ଅବସରପ୍ରାପ୍ତ ସଚିବ ଧୀରେନ୍ଦ୍ର କୁମାର ଶତପଥୀଙ୍କୁ କୋର୍ଟ ୨ ବର୍ଷ ସଶ୍ରମ କାରାଦଣ୍ଡ ସହିତ ଜରିମାନା ଦଣ୍ଡରେ ଦଣ୍ଡିତ କରାଯାଇଛି। ଓଡ଼ିଶା ଭିଜିଲାନ୍ସ ପକ୍ଷରୁ ବଣାଇଁ ଆଞ୍ଚଳିକ ସମବାୟ ବିପଣନ ସମାଜ (RCMS) ଅବସରପ୍ରାପ୍ତ ସଚିବ ଧୀରେନ୍ଦ୍ର କୁମାର ଶତପଥୀଙ୍କ ପେନସନ ବନ୍ଦ କରିବା ପାଇଁ ସକ୍ଷମ ପ୍ରାଧିକରଣକୁ ଆବେଦନ କରିବ।
About the Author
