ରାଉରକେଲା:15//1,(ଉତ୍କଳ ସମାଚାର)ସହରରେ ମକର ସଂକ୍ରାନ୍ତି ଉପଲକ୍ଷେ ବିଭିନ୍ନ ସଂଗଠନ ପକ୍ଷରୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି।ସ୍ଵର୍ଣ୍ଣକାର ଯୁବ ମଞ୍ଚ: ସହରର ମୁଖ୍ୟ ମାର୍ଗରେ ଥିବା ‘ଜୟ ହିନ୍ଦ ଜୁଏଲର୍ସ’ ସମ୍ମୁଖରେ ସ୍ଵର୍ଣ୍ଣକାର ଯୁବ ମଞ୍ଚ ପକ୍ଷରୁ ପଥିକମାନଙ୍କୁ ଖେଚୁଡ଼ି, ଗୁଲଗୁଲା, ପୁରି-ତରକାରୀ ଏବଂ ଜିଲାପି ବଣ୍ଟନ କରାଯାଇଥିଲା। ସକାଳୁ ମଧ୍ୟାହ୍ନ ପର୍ଯ୍ୟନ୍ତ ଚାଲିଥିବା ଏହି କାର୍ଯ୍ୟକ୍ରମରେ ମଞ୍ଚର କର୍ମକର୍ତ୍ତାମାନେ ସକ୍ରିୟ ଅଂଶଗ୍ରହଣ କରିଥିଲେ। ସ୍ଥାନୀୟ ଲୋକେ ଏହି ପ୍ରୟାସକୁ ବହୁତ ପ୍ରଶଂସା କରିଛନ୍ତି। ପ୍ରତିବର୍ଷ ମକର ସଂକ୍ରାନ୍ତିରେ ସଂଘ ପକ୍ଷରୁ ଏଭଳି କାର୍ଯ୍ୟକ୍ରମ ଆୟୋଜନ କରାଯାଇଥାଏ।ନବଯୁବକ ଆଖାଡ଼ା କମିଟି: ସେହିପରି ଡେଲି ମାର୍କେଟ ଜନତା ନିବାସ ରୋଡ୍ ସମ୍ମୁଖରେ ନବଯୁବକ ଆଖାଡ଼ା କମିଟି ପକ୍ଷରୁ ପଥିକମାନଙ୍କୁ ଖେଚୁଡ଼ି ବଣ୍ଟନ କରାଯାଇଥିଲା। ଏହି କାର୍ଯ୍ୟକ୍ରମ ମଧ୍ୟ ସକାଳୁ ମଧ୍ୟାହ୍ନ ପର୍ଯ୍ୟନ୍ତ ଚାଲିଥିଲା ଏବଂ କମିଟିର ସଦସ୍ୟମାନେ ଏଥିରେ ସହଯୋଗ କରିଥିଲେ।ଶ୍ରୀ ମନୋକାମନା ସିଦ୍ଧି ହନୁମାନ ମନ୍ଦିର କମିଟି: ବିର୍ସା ଦହର ରୋଡ୍ ସ୍ଥିତ ଶ୍ରୀ ମନୋକାମନା ସିଦ୍ଧି ହନୁମାନ ମନ୍ଦିର କମିଟି ପକ୍ଷରୁ ମଧ୍ୟ ରାସ୍ତା ଦେଇ ଯାଉଥିବା ଲୋକଙ୍କୁ ଖେଚୁଡ଼ି ପ୍ରସାଦ ବଣ୍ଟନ କରାଯାଇଥିଲା। ବହୁ ସଂଖ୍ୟାରେ ଶ୍ରଦ୍ଧାଳୁ ଓ ପଥିକ ଏହି ପ୍ରସାଦ ସେବନ କରିଥିଲେ। ଏଥିରେ ମନ୍ଦିର କମିଟିର ପଦାଧିକାରୀ ଓ ସଦସ୍ୟମାନେ ଉପସ୍ଥିତ ଥିଲେ।ଲାୟନ୍ସ କ୍ଲବ: ପାୱାର ହାଉସ ଛକ ଶିବାଜୀ ମାର୍ଗ ନିକଟରେ ଲାୟନ୍ସ କ୍ଲବ ପକ୍ଷରୁ ମକର ସଂକ୍ରାନ୍ତି ଅବସରରେ ପକୁଡ଼ି ଓ ଗୁଲଗୁଲା ବଣ୍ଟନ କରାଯାଇଥିଲା।ଏହା ବ୍ୟତୀତ ସହରର ଅନ୍ୟାନ୍ୟ ସଂଗଠନ ପକ୍ଷରୁ ମଧ୍ୟ ମକର ସଂକ୍ରାନ୍ତିର ଦ୍ୱିତୀୟ ଦିନରେ ବିଭିନ୍ନ ସ୍ଥାନରେ ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିବା ଦେଖିବାକୁ ମିଳିଛି।
About the Author
