ରାଉରକେଲା:20//2,(ଉତ୍କଳ ସମାଚାର) ଅଖିଳ ବିଶ୍ୱ ଗାୟତ୍ରୀ ପରିବାର ଶାନ୍ତିକୁଞ୍ଜ ହରିଦ୍ୱାରର ତତ୍ତ୍ୱାବଧାନରେ ରାଉରକେଲା ସେକ୍ଟର-୨ ସ୍ଥିତ ଗାୟତ୍ରୀ ଶକ୍ତିପୀଠରେ ୨୪ କୁଣ୍ଡୀୟ ଗାୟତ୍ରୀ ମହାଯଜ୍ଞ ଆୟୋଜିତ ହୋଇଯାଇଛି। ଶୁକ୍ରବାର ଦିନ ରାଷ୍ଟ୍ରର ସୌର ସମୃଦ୍ଧି ପାଇଁ ବହୁ ସଂଖ୍ୟାରେ ପରିଜନମାନେ ଯଜ୍ଞରେ ଆହୁତି ପ୍ରଦାନ କରିଥିଲେ। ସକାଳେ ଯଜ୍ଞ ଏବଂ ସନ୍ଧ୍ୟାରେ ଯଜ୍ଞ ସଂସ୍କାର ଓ ଦେବ ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଶାନ୍ତିକୁଞ୍ଜର ଟୋଲି ନାୟକ ଅନୋଖିଲାଲ୍ ପଟେଲ, ରାମଲାଲ ଶର୍ମା, କଦ୍ୱରାମ ଗୁର୍ଜର ଓ ମୟଙ୍କ ଚୌହାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ପରିଚାଳିତ ହେଉଛି। ପଣ୍ଡିତ ଶ୍ରୀରାମ ଶର୍ମା ଆଚାର୍ଯ୍ୟଙ୍କ ସାଧନା ଶତାବ୍ଦୀ ଏବଂ ବନ୍ଦନୀୟା ମାତାଜୀଙ୍କ ଜନ୍ମ ଶତବାର୍ଷିକୀ ଅବସରରେ ନିମ୍ନଲିଖିତ ଉଦ୍ଦେଶ୍ୟ ନେଇ ଏହି କାର୍ଯ୍ୟକ୍ରମ ଆୟୋଜିତ ହୋଇଛି:ଶତ ଶକ୍ତିର ସଂଗଠନ ଓ ଦୁର୍ଗା ଶକ୍ତିର ଜାଗରଣ।ହିମାଳୟର ଋଷି ସନ୍ଥଙ୍କ ସୂକ୍ଷ୍ମ ସଂରକ୍ଷଣରେ ବିଶ୍ୱ ଜାଗରଣ।ପ୍ରଥମ ଦିନ: ଭବ୍ୟ କଳସ ଯାତ୍ରା ବହାରିଥିଲା।ଶୁକ୍ରବାର: ସକାଳେ ପ୍ରଜ୍ଞା ଯୋଗ ଓ ଧ୍ୟାନ କାର୍ଯ୍ୟକ୍ରମ ହୋଇଥିଲା। ପୂର୍ବାହ୍ନ ୮:୦୦ଟାରୁ ଯଜ୍ଞ ସଂସ୍କାର ଦେବ ପୂଜନ କରାଯାଇଥିଲା ଏବଂ ସନ୍ଧ୍ୟାରେ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଶନିବାର: ଯଜ୍ଞ, ହବନ ଓ ପୂଜନ ସହିତ ସନ୍ଧ୍ୟାରେ ଯୁଗ ସଙ୍ଗୀତ ପ୍ରବଚନ ଓ ଦୀପ ଯଜ୍ଞ ଅନୁଷ୍ଠିତ ହେବ।ରବିବାର: ସକାଳେ ପ୍ରଜ୍ଞା ଯୋଗ, ଧ୍ୟାନ ଏବଂ ଯଜ୍ଞର ପୂର୍ଣ୍ଣାହୁତି ହେବ।ଏହି ସମସ୍ତ କାର୍ଯ୍ୟକ୍ରମ ଶକ୍ତିପୀଠର ଟ୍ରଷ୍ଟି ଏବଂ କାର୍ଯ୍ୟକାରୀ ସଦସ୍ୟମାନଙ୍କ ଦେଖାଶୁଣାରେ ସୂଚାରୁରୂପେ ସମ୍ପାଦିତ ହେଉଛି।
About the Author
