ରାଉରକେଲା ୩/୮,(ଉତ୍କଳ ସମାଚାର) ଆଜି ଶ୍ରାବଣ ମାସର ପ୍ରଥମ ସୋମବାର। ରାଉରକେଲା ସହର ତଥା ସୁନ୍ଦରଗଡ଼ ଜିଲ୍ଲାର ପ୍ରସିଦ୍ଧ ଶୈବପୀଠ ବେଦବ୍ୟାସ ବାଲୁକେଶ୍ୱର ଶିବ ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି। ରୁଦ୍ରାଭିଷେକ ପାଇଁ ଆଜି ସକାଳ ଠାରୁ ମନ୍ଦିର ପରିସରରେ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ବ୍ରାହ୍ମଣୀ ନଦୀରେ ସ୍ନାନ କରିବା ପରେ ଭକ୍ତମାନେ ଭୋଲେନାଥଙ୍କୁ ଜଳ ଅର୍ପଣ କରିଥିଲେ। ଏଥିସହିତ ଚନ୍ଦ୍ରଶେଖର ଶିବ ମନ୍ଦିରରେ ମଧ୍ୟ ଜଳାଭିଷେକ କରାଯାଇଥିଲା। ରବିବାର ବିଳମ୍ବିତ ସନ୍ଧ୍ୟାରେ, କାଓ୍ବଡିଆଙ୍କ ଏକ ଦଳ ବ୍ରାହ୍ମଣୀ ନଦୀରେ ସ୍ନାନ କରି ଘୋଘର ଧାମରେ ଜଳ ଅର୍ପଣ କରିବାକୁ ବେଦବ୍ୟାସରୁ ବାହାରିଥିଲେ। ହଜାର ହଜାର କାଓ୍ବଡ଼ିଆ ବୋଲ ବମ୍ ସ୍ଲୋଗାନ ଦେଇ ଜଳ ଅର୍ପଣ କରିବା ପାଇଁ ଜଳ ଧରି ବାହାରି ଥିଲେ। ସେହିପରି ସୋମବାର ଦିନ ରାଉରକେଲା ସହରର ଅନ୍ୟାନ୍ୟ ମନ୍ଦିରରେ, ବିଶେଷକରି ରେଳ ଷ୍ଟେସନ ନିକଟ ସଙ୍କଟ ମୋଚନ ମନ୍ଦିର, ବିର୍ସା ଡାହର ରୋଡ ସ୍ଥିତ ଶ୍ୟାମ ମନ୍ଦିର, ମନୋକାମନା ସିଦ୍ଧି ହନୁମାନ ମନ୍ଦିର ପରିସରରେ ଅବସ୍ଥିତ ଶିବ ମନ୍ଦିର, ହନୁମାନ ଭାଟିକା, ଦେଓଗାଁ ତରକେରାର ଧବଳେଶ୍ୱର ଶିବ ମନ୍ଦିର, ବେଦବ୍ୟାସଙ୍କ କଲ୍ୟାଣ ଆଶ୍ରମ ସ୍ଥିତ ଶିବ ମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା। ସେହିପରି ଛେଣ୍ଡ ହନୁମାନ ମନ୍ଦିର ପରିସର ସ୍ଥିତ ଶିବ ମନ୍ଦିର, କଳିଙ୍ଗବିହାର ଆଖଣ୍ଡଳମଣୀ ମନ୍ଦିରରେ ସକାଳ ଠାରୁ ମଧ୍ୟାହ୍ନ ପର୍ଯ୍ୟନ୍ତ ମନ୍ଦିର ପରିସରରେ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା।
About the Author
