ଭାଦ୍ରବ ଅମାବାସ୍ୟା ଅବସରରେ ତ୍ରିଶକ୍ତି ମନ୍ଦିର ପରିସରରେ ମାତା ରାଣୀ ସତୀଙ୍କ ମଙ୍ଗଳ ପାଠ

ରାଉରକେଲା,୨୧/୮(ଉତ୍କଳ ସମାଚାର):, ଭାଦ୍ରବ ଅମାବାସ୍ୟା ଅବସରରେ ହନୁମାନ ବାଟିକା ପରିସରସ୍ଥ ତ୍ରିଶକ୍ତି ମନ୍ଦିର ପରିସରରେ ମାତା ରାଣୀ ସତୀଙ୍କ ମନ୍ଦିରରେ ମଙ୍ଗଳପାଠ ମହୋତ୍ସବ ୨୦୨୫ ମହାସମାରୋହରେ ପାଳିତ ହୋଇଯାଇଛି। ଏହି ମଙ୍ଗଳପାଠ ମହୋତ୍ସବରେ ୫୦୧ ଜଣ ବିବାହିତ ମହିଳା ଲାଲ ଶାଢ଼ୀ ଏବଂ ଲାଲ ଚୁନାରୀ ପିନ୍ଧି ମଙ୍ଗଳପାଠରେ ଅଂଶଗ୍ରହଣ କରିଥିଲେ। ତ୍ରିଶକ୍ତି ଶକ୍ତି ମନ୍ଦିର ଟ୍ରଷ୍ଟ ବୋର୍ଡ କମିଟି ପକ୍ଷରୁ, ମାତାଙ୍କୁ ଫୁଲରେ ଅଲୌକିକ ସିଙ୍ଗାର କରାଯିବା ସହିତ ଦିବ୍ୟଜ୍ୟୋତି ପ୍ରଦୀପ ପ୍ରଜ୍ବଳନ ୫୬ ଭୋଗ ଅର୍ପଣ କରାଯାଇଥିଲା। ଏଥିସହିତ ଶ୍ୟାମ ବାବାଙ୍କ ଦିବ୍ୟ ସାଜସଜ୍ଜା କରାଯାଇଥିଲା। ସାଲାସର ବାଲାଜୀଙ୍କ ଦରବାରକୁ ଏହି ଫୁଲରେ ସଜାଯାଇଥିଲା। ସୁରଟରୁ ଆସିଥିବା ସୂରଜ ବିଜୁରକା ଏବଂ ତାଙ୍କ ସହଯୋଗୀମାନେ ଭକ୍ତମାନଙ୍କୁ ମଙ୍ଗଳ ପାଠ ଶୁଣାଇଥିଲେ। ଏହି ଅବସରରେ, ମୁଖ୍ୟ ଜଜମାନ ଭାବରେ ଉମଙ୍ଗ ଅଗ୍ରୱାଲ ଏବଂ ତାଙ୍କ ପତ୍ନୀଙ୍କ ସହିତ ଏଥିରେ ଅଂଶଗ୍ରହଣ କରିଥିଲେ। ମହେଶ ମ୍ୟୁଜିକାଲ୍ ଗୃପ୍ ସେମାନଙ୍କର ସୁରଳୀନ କଣ୍ଠରେ ମଙ୍ଗଳପାଠକୁ ଅଧିକ ଆକର୍ଷଣୀୟ କରିଥିଲେ। ମଝିରେ, ମଝିରେ ମଙ୍ଗଳ ପାଠ ସମୟରେ ଭଜନ ମଧ୍ୟ ଶୁଣାଯାଇଥିଲା। ଯାହାକୁ ଶୁଣି ମହିଳା ଏବଂ ଅନ୍ୟ ଭକ୍ତମାନେ ନାଚିବା ଆରମ୍ଭ କରିଥିଲେ। ଆଜି ଏହି ମହାନ ମଙ୍ଗଳ ପାଠ ପାଇଁ ତ୍ରିଶକ୍ତି ମନ୍ଦିର ପରିସରରେ ମହିଳାମାନଙ୍କର ବଡ଼ ଭିଡ଼ ଦେଖିବାକୁ ମିଳିଥିଲା। ସକାଳ ଠାରୁ ମଧ୍ୟାହ୍ନ ପର୍ଯ୍ୟନ୍ତ ହନୁମାନ ଭାଟିକା ତ୍ରିଶକ୍ତି ମନ୍ଦିର ପରିସରରେ ଭକ୍ତମାନେ ଏକତ୍ରିତ ହୋଇଥିଲେ। ଏହି କାର୍ଯ୍ୟକ୍ରମରେ ବିଶାଳ ଭିଡ଼ ଦେଖିବାକୁ ମିଳିଥିଲା। ରାଉରକେଲା, ବୀରମିତ୍ରପୁର, ରାଜଗାଙ୍ଗପୁର, ଚକ୍ରଧରପୁର, ଟାଟାରୁ ମାତାଙ୍କ ଭକ୍ତମାନେ ଅଂଶଗ୍ରହଣ କରିଥିଲେ।