ରାଉରକେଲା:8//10,(ଉତ୍କଳ ସମାଚାର)ମହାରାଜା ଅଗ୍ରସେନ ସେବା ସଂଘ, ରାଉରକେଲା ପକ୍ଷରୁ ୫୧୮୦ତମ ଭଗବାନ୍ ଅଗ୍ରସେନ ଜୟନ୍ତୀ ସମାରୋହ ୨୦୨୬ର ଚତୁର୍ଥ ଦିନ ବୁଧବାର ସନ୍ଧ୍ୟା ୭ଟାରୁ ଅଗ୍ରସେନ ଭବନଠାରେ ଭଜନ ଜାମିଂର ଏକ ଭବ୍ୟ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏହି ଅବସରରେ ମହାରାଜା ଅଗ୍ରସେନଜୀଙ୍କ ତୈଳଚିତ୍ର ସମ୍ମୁଖରେ ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ବିଧିବଦ୍ଧ ଶୁଭାରମ୍ଭ କରାଯାଇଥିଲା। ଏହି କାର୍ଯ୍ୟକ୍ରମରେ ଅତିଥି ଭାବେ ହରିୟାଣା ନାଗରିକ ସଂଘର ସଭାପତି ସଞ୍ଜୟ ଅଗ୍ରୱାଲ (ଆଡଭୋକେଟ୍), ରାଜସ୍ଥାନ ପରିଷଦର ସଭାପତି ଜଗଦୀଶ ହରିତ, ଏବଂ ଅଖିଳ ଭାରତୀୟ ଅଗ୍ରୱାଲ ସମ୍ମେଳନ ସୁନ୍ଦରଗଡ଼ ଶାଖାର ସଭାପତି ବିନୋଦ ବାଲ୍ଟିୱାଲାଙ୍କୁ ଫୁଲତୋଡ଼ା ଦେଇ ସମ୍ବର୍ଦ୍ଧିତ କରାଯାଇଥିଲା।ଏହି ଅବସରରେ ମହାରାଜା ଅଗ୍ରସେନ ସେବା ସଂଘର ସଭାପତି ପୂରଣମଲ ଅଗ୍ରୱାଲ, କାର୍ଯ୍ୟକ୍ରମ ସଂଯୋଜକ ଅଶୋକ ଅଗ୍ରୱାଲ (ବାରସୁଆଁ), ଉପସଭାପତି ଶ୍ୟାମ ସୁନ୍ଦର ଅଗ୍ରୱାଲ, ଋଷି ଆର୍ଯ୍ୟ, ସମ୍ପାଦକ ଶୈଳେନ୍ଦ୍ର ମାରୋଠିଆ, ସହ-ସମ୍ପାଦକ ଦେବେନ୍ଦ୍ର ଗୁପ୍ତା, ସହ-ସମ୍ପାଦକ ସହ-ସଂଯୋଜକ ବବଲ ଗୋୟଲ, ପୂର୍ବତନ ସଭାପତି ବ୍ରଜମୋହନ ଅଗ୍ରୱାଲ, ହରିଓମ୍ ବଂଶଲ, ସୁରେଶ କେଜ୍ରିୱାଲ, ଟ୍ରଷ୍ଟି ଅଶୋକ ଅଗ୍ରୱାଲ (ରୋମକୋ), ମହେଶ ଅଗ୍ରୱାଲ, ସୁଦର୍ଶନ ଗୋୟଲ, ସୀତାରାମ ବରେଲିଆ, ପ୍ରେମ ଅଗ୍ରୱାଲଙ୍କ ସମେତ ସଂଘର ବରିଷ୍ଠ କର୍ମକର୍ତ୍ତା ଓ ସଦସ୍ୟବୃନ୍ଦ ଉପସ୍ଥିତ ଥିଲେ।ଏହି ଭଜନ ଜାମିଂ କାର୍ଯ୍ୟକ୍ରମରେ ରାଜ୍ୟ ବାହାରୁ ଆସିଥିବା ଭଜନ ଗାୟକ ରବି ବେରୀୱାଲ ଏବଂ ତାଙ୍କ ଦଳ ଦ୍ୱାରା ଗୋଟିଏରୁ ବଳି ଆଉ ଗୋଟିଏ ମନମୁଗ୍ଧକର ଭଜନ ପରିବେଷଣ କରାଯାଇଥିଲା। ପ୍ରଥମେ ଗଣେଶ ବନ୍ଦନା ସହିତ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା; ଏହା ପରେ ଅନ୍ୟାନ୍ୟ ଦେବ-ଦେବୀଙ୍କ ସୁମଧୁର ଭଜନ ଶୁଣି ଶ୍ରୋତାମାନେ ଝୁମି ଉଠିଥିଲେ। ଏହି କାର୍ଯ୍ୟକ୍ରମକୁ ନେଇ ଅଗ୍ରସେନ ଭବନ ପରିସରରେ ଅଗ୍ର ସମାଜର ବହୁ ସଂଖ୍ୟକ ଲୋକଙ୍କ ଭିଡ଼ ଦେଖିବାକୁ ମିଳିଥିଲା ଏବଂ ସମସ୍ତେ ଏହି କାର୍ଯ୍ୟକ୍ରମର ଭୂୟସୀ ପ୍ରଶଂସା କରିଥିଲେ। ମଞ୍ଚ ସଞ୍ଚାଳନ ନିଶା ଶର୍ମା କରିଥିଲେ।
About the Author
