ରାଉରକେଲା ୨୫/୧୨,(ଉତ୍କଳ ସମାଚାର)ଶିବାଜୀ ମାର୍ଗସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଗତ ୨୩.୧୨.୨୦୨୫ ବୁଧବାର ଦିନ ୪୫ତମ ବାର୍ଷିକୋତ୍ସବ ସମାରୋହ ଅତ୍ୟନ୍ତ ଧୁମଧାମରେ ପାଳିତ ହୋଇଯାଇଛି । ଅପରାହ୍ନ ୩.୦୦ ଟାରେ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା । ମୁଖ୍ୟ ଅତିଥିଙ୍କ ଦ୍ୱାରା ମା’ ସରସ୍ୱତୀଙ୍କ ପ୍ରତିମା ସମ୍ମୁଖରେ ଦୀପ ପ୍ରଜ୍ଜ୍ୱଳନ ଏବଂ ବିଦ୍ୟାଳୟର ଛାତ୍ରୀମାନଙ୍କ ଦ୍ୱାରା ସରସ୍ୱତୀ ବନ୍ଦନା ଗାନ କରାଯାଇ କାର୍ଯ୍ୟକ୍ରମ ଆରମ୍ଭ କରାଯାଇଥିଲା ।ଅତିଥି ପରିଚୟଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମେଟା ସ୍ପଞ୍ଜ ପ୍ରାଇଭେଟ୍ ଲିମିଟେଡର ନିର୍ଦ୍ଦେଶକ ତଥା ସମାଜସେବୀ ଶ୍ରୀମାନ ସତୀଶ କୁମାର ସାହୁ, ସମ୍ମାନିତ ଅତିଥି ଭାବେ ସମାଜସେବୀ ଶ୍ରୀମାନ ସୁରେଶ କୁମାର ବୋନ୍ଦିଆ, ଝାରସୁଗୁଡ଼ା ସରସ୍ୱତୀ ଶିଶୁ ବିଦ୍ୟା ମନ୍ଦିରର ପ୍ରଥମ ସଭାପତି ତଥା ପ୍ରତିଷ୍ଠାତା ଡକ୍ଟର ମଧୁରେଶ ଦ୍ୱିବେଦୀ (ପ୍ରଫେସର, ଖାଦ୍ୟ ପ୍ରକ୍ରିୟାକରଣ ବିଭାଗ, NIT ରାଉରକେଲା), ଏବଂ ଶିଳ୍ପପତି ତଥା ସମାଜସେବୀ ଶ୍ରୀମାନ ଉଦୟ କୁମାର ରାଜଗଡ଼ିଆ ଉପସ୍ଥିତ ଥିଲେ ।ଏହା ସହିତ ସ୍ଥାନୀୟ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀମାନ ଗୋବିନ୍ଦ ଚନ୍ଦ୍ର ମିଶ୍ର, ବିଦ୍ୟାଳୟ ପରିଚାଳନା ସମ୍ପାଦିକା ଶ୍ରୀମତୀ ରୀନା ଅଗ୍ରୱାଲ, କୋଷାଧ୍ୟକ୍ଷ ଶ୍ରୀ ନାରାୟଣ ପାତ୍ର, ସଦସ୍ୟା ଶ୍ରୀମତୀ ପ୍ରୀତି ଲହେରେ, ସଦସ୍ୟ ଶ୍ରୀ ଶକ୍ତି କୁମାର ଶର୍ମାଙ୍କ ସମେତ ଅନ୍ୟାନ୍ୟ ଅତିଥିମାନେ ଯୋଗ ଦେଇଥିଲେ ।କାର୍ଯ୍ୟକ୍ରମର ବିବରଣୀସ୍ୱାଗତ ସଙ୍ଗୀତ: ବିଦ୍ୟାଳୟର ପିଲାମାନେ ସ୍ୱାଗତ ସଙ୍ଗୀତ ଗାନ କରି ଅତିଥିମାନଙ୍କୁ ସ୍ୱାଗତ କରିଥିଲେ ।ସାଂସ୍କୃତିକ କାର୍ଯ୍ୟକ୍ରମ (ପ୍ରଥମ ପର୍ଯ୍ୟାୟ): ପ୍ରଥମରୁ ତୃତୀୟ ଶ୍ରେଣୀର କୁନି କୁନି ପିଲାମାନେ ନୃତ୍ୟ ପରିବେଷଣ କରି ସମସ୍ତଙ୍କ ମନ ମୋହି ନେଇଥିଲେ ।ବାର୍ଷିକ ବିବରଣୀ: ପ୍ରଧାନ ଆଚାର୍ଯ୍ୟ ଶ୍ରୀ ଗୋବିନ୍ଦ ଚନ୍ଦ୍ର ମିଶ୍ର ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ ।ମ୍ମାନ ଓ ପୁରସ୍କାର ବିତରଣ: ଆସିଥିବା ସମସ୍ତ ଅତିଥିଙ୍କୁ ବିଦ୍ୟାଳୟ ପକ୍ଷରୁ ସମ୍ମାନିତ କରାଯାଇଥିଲା । ମୁଖ୍ୟ ଅତିଥି ନିଜ ଅଭିଭାଷଣରେ ପିଲାମାନଙ୍କୁ ଲକ୍ଷ୍ୟ ହାସଲ ପାଇଁ ସ୍ୱପ୍ନ ଦେଖିବାକୁ ପ୍ରେରଣା ଦେଇଥିଲେ । ଗତ ବର୍ଷ ଶ୍ରେଷ୍ଠ ନମ୍ବର ରଖିଥିବା ଛାତ୍ରଛାତ୍ରୀ ଏବଂ ଉତ୍କର୍ଷ ଛାତ୍ରୀ (ପୂର୍ବ ଛାତ୍ରୀ) ଭଉଣୀ ଟି. ଗାୟତ୍ରୀଙ୍କୁ ପୁରସ୍କୃତ କରାଯାଇଥିଲା ।ଦ୍ୱିତୀୟ ପର୍ଯ୍ୟାୟ: ସନ୍ଧ୍ୟା ୫.୪୫ ମିନିଟରେ ବନ୍ଦେ ମାତରମ୍ ଗାନ ପରେ ଚତୁର୍ଥରୁ ଦଶମ ଶ୍ରେଣୀ ପିଲାଙ୍କ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଦଶମ ଶ୍ରେଣୀର ଛାତ୍ରୀମାନେ ଓଡ଼ିଶୀ ନୃତ୍ୟ ମାଧ୍ୟମରେ ରଙ୍ଗାରଙ୍ଗ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।ମୁଖ୍ୟ ଆକର୍ଷଣହି କାର୍ଯ୍ୟକ୍ରମରେ ପିଲାମାନେ ନାଟକ ମାଧ୍ୟମରେ ଭାରତର ବିଦ୍ୟାଳୟ ଶିକ୍ଷା ବିଷୟରେ ସମସ୍ତଙ୍କୁ ସଚେତନ କରାଇଥିଲେ । ବିଭିନ୍ନ ପ୍ରକାରର ସାଂସ୍କୃତିକ ନୃତ୍ୟ ଯଥା: ଓଡ଼ିଶୀ, ବଙ୍ଗାଳୀ ଏବଂ ସମ୍ବଲପୁରୀ ନୃତ୍ୟ ପରିବେଷଣ କରାଯାଇଥିଲା । ଏଥିସହିତ ପିଲାମାନେ ନୃତ୍ୟ ମାଧ୍ୟମରେ ଭାରତୀୟ ସୈନିକମାନଙ୍କୁ ସଲାମ ଜଣାଇଥିଲେ । ଏହି ସାଂସ୍କୃତିକ କାର୍ଯ୍ୟକ୍ରମରେ ସମୁଦାୟ ୪୪୪ ଜଣ ବିଦ୍ୟାର୍ଥୀ ଅଂଶଗ୍ରହଣ କରିଥିଲେ ।ଉଦଯାପନୀକାର୍ଯ୍ୟକ୍ରମ ଶେଷରେ ସଭାପତି ଶ୍ରୀମାନ ଉଦୟ କୁମାର ରାଜଗଡ଼ିଆ ସମସ୍ତ ଅତିଥିଙ୍କୁ ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ, ଆଚାର୍ଯ୍ୟ-ଆଚାର୍ଯ୍ୟା, ସେବା ସେବିକା, ଛାତ୍ରଛାତ୍ରୀ ଏବଂ ମାତୃଭାରତୀଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମ୍ପନ୍ନ ହୋଇଥିଲା । ଅପରାହ୍ନ ୩.୦୦ ଟାରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ରାତି ୮.୦୦ ଟାରେ ଶେଷ ହୋଇଥିଲା ।
About the Author
