କେନ୍ଦ୍ରୀୟ ଛଟ ପୂଜା କମିଟିର ସଦସ୍ୟ ଭେଟିଲେ ସୁନ୍ଦରଗଡ଼ ଏସପି, ଅତିରିକ୍ତ ଜିଲ୍ଲାପାଳଙ୍କୁ

ରାଉରକେଲା,୯/୧୦,(ଉତ୍କଳ ସମାଚାର):(ନି/ପ୍ର):ଆଜି ସଂଯୋଜକ କୃଷ୍ଣ ସାହୁଙ୍କ ନେତୃତ୍ୱରେ କେନ୍ଦ୍ରୀୟ ଛଟ ପୂଜା କମିଟିର ଏକ ଦଳ ସୁନ୍ଦରଗଡ଼ ଜିଲ୍ଲା କାର୍ଯ୍ୟାଳୟରେ ପହଚିଂଥିଲେ, ଯେଉଁଠାରେ ସେମାନେ ସୁନ୍ଦରଗଡ଼ ପୋଲିସ ଅଧିକ୍ଷକ ଅମୃତପାଲ କୌର ଏବଂ ସୁନ୍ଦରଗଡ଼ର ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ ସୁରଜ କୁମାର ପଟ୍ଟନାୟକଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ କରିଥିଲେ ଯେ ସୁନ୍ଦରଗଡ଼ ଜିଲ୍ଲାର ବିଭିନ୍ନ ନଦୀ ଏବଂ ପୋଖରୀ ଘାଟରେ ଛଟ ପୂଜା ପାଳନ କରାଯାଏ ।ଘାଟର ପରିଷ୍କାର ପରିଚ୍ଛନ୍ନତା, ଆଲୋକ ବ୍ୟବସ୍ଥା ଏବଂ ଟ୍ରାଫିକ୍ ବ୍ୟବସ୍ଥାକୁ ଉନ୍ନତ କରିବା ପାଇଁ ଆଲୋଚନା କରାଯାଇଥିଲା । ସୁନ୍ଦରଗଡ଼ ପୋଲିସ ଅଧିକ୍ଷକ କହିଛନ୍ତି ଯେ, ଲୋକ ବିଶ୍ୱାସର ମହାନ ପର୍ବ ଛଟ୍ ପୂଜା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁବିଧା ଯୋଗାଇ ଦିଆଯିବ । ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ କହିଛନ୍ତି ଯେ, ସୁନ୍ଦରଗଡ଼ ଜିଲ୍ଲାରେ ଛଟ ପୂଜାରେ ସମସ୍ତ ସଂଗଠନକୁ ପ୍ରଶାସନ ସମର୍ଥନ ଯୋଗାଇବ । କେନ୍ଦ୍ରୀୟ ଛଟ ପୂଜା କମିଟିର ଓପି ସିଂହ, ଜିତୁ ରାୟ, ଉଦୟ ପାଣ୍ଡେ, ସୁମିତ ସିଂହ ଉପସ୍ଥିତ ଥିଲେ ।