ରାଉରକେଲା ୧୦/୧,(ଉତ୍କଳ ସମାଚାର) ଗତ ୨୦୨୬ ଜାନୁଆରୀ ୨ ତାରିଖ ସକାଳେ ବନ୍ଧମୁଣ୍ଡା ଥାନା ଅଧିନସ୍ଥ ଜବାଘାଟ ଗ୍ରାମ ଅନ୍ତର୍ଗତ କୋଏଲ ନଦୀର ବାଲି ଶଯ୍ୟାରେ ଏକ ଅଜଣା ବ୍ଯକ୍ତିର ମୃତଦେହ ପଡ଼ିଥିବା ଦେଖିବାକୁ ମିଳିଥିଲା। ଘଟଣା ସମ୍ପର୍କରେ, ବନ୍ଧମୁଣ୍ଡା ଥାନାରେ ଏକ ଅପମୃତ୍ୟୁ (ୟୁ.ଡି. କେସ୍ ନଂ. ୦୧/୨୬) ମାମଲା ରୁଜୁ ଘଟଣାର ତଦନ୍ତ କରାଯାଇଥିଲା। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଜଣାପଡିଥିଲା ଯେ, ମୃତକଙ୍କ ଉପରେ ଆକ୍ରମଣ ଯୋଗୁଁ ଅନେକ ସ୍ଥାନରେ କ୍ଷତ ହୋଇଥିଲା ଏବଂ ଏହା ଏକ ହତ୍ୟାକାଣ୍ଡ ଥିଲା। ତେଣୁ ଅପମୃତ୍ୟୁ ମାମଲା ପରିବର୍ତ୍ତେ ଏକ ହତ୍ୟା ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଥିଲା। ତଦନ୍ତ ସମୟରେ ଜଣାପଡିଲା ଯେ ଅଭିଯୁକ୍ତ ମହେଶ ମୁଣ୍ଡାରୀ, ଲକ୍ଷ୍ମଣ ମୁଣ୍ଡାରୀ ଏବଂ ସହଦେବ ସମାସୀ ୨୦୨୬ ଜାନୁଆରୀ ୧ ତାରିଖ ରାତିରେ ମଦ୍ୟପାନ କରି ଅଭିଯୁକ୍ତ ମହେଶ ମୁଣ୍ଡାରୀଙ୍କ ଘର ପାଖରେ ବସିଥିଲେ। ସେହି ସମୟରେ ସେମାନେ ମୃତକଙ୍କୁ ସେମାନଙ୍କ ଆଡ଼କୁ ଆସୁଥିବାର ଦେଖିଥିଲେ। ତାଙ୍କୁ ଚୋର ଏବଂ ମଦ୍ୟପାନ କରିଥିବା ସନ୍ଦେହ କରି ଅଭିଯୁକ୍ତମାନେ ତାଙ୍କୁ ଅଟକାଇ ପଚରାଉଚରା କରିଥିଲେ। ଏହା ଶୁଣିବା ପରେ ମୃତକ ନଦୀ ଆଡକୁ ଦୌଡ଼ିଥିଲେ। ୩ ଅଭିଯୁକ୍ତ ତାଙ୍କୁ ପିଛା କରିବା ପରେ ନଦୀ ବାଲିରେ ଲାତ, ମୁଠା ଏବଂ କାଠ ବାଡ଼ି ସାହାଯ୍ୟରେ ଆକ୍ରମଣ କରିଥିଲେ। ଯାହା ଫଳରେ ତାଙ୍କର ମୃତ୍ୟୁ ଘଟିଥିଲା। ଘଟଣା ପରେ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର୍ ହୋଇଯାଇଥିବା ପୋଲିସ୍ ପକ୍ଷରୁ ସୂଚନା ଦିଆଯାଇଛି । ଏହି ହତ୍ଯା ଘଟଣାରେ ଗିରଫ ତିନି ଅଭିଯୁକ୍ତ ହେଲେ, ବନ୍ଧମୁଣ୍ଡା ଥାନା ଅଧିନସ୍ଥ ଜବାଘାଟର ମହେଶ ମୁଣ୍ଡାରୀ ଓରଫ୍ ମହେଶ (୨୬), ଲକ୍ଷ୍ମଣ ମୁଣ୍ଡାରୀ ଓରଫ୍ ଡାନି (୨୩) ଏବଂ ସହଦେବ ସମାସୀ ଓରଫ୍ ଟିଙ୍କୁ (୩୦)। ଅଭିଯୁକ୍ତଙ୍କ ବିରୋଧରେ ବିଏନ୍ଏସର ଧାରା ୧୦୩(୨) ବିଏନ୍ଏସ୍କୁ ୟୁ/ଏସ୍-୧୦୩(୧)/୩(୫)ରେ ମାମଲା ପରିବର୍ତ୍ତିତ କରାଯାଇଛି। ଅଭିଯୁକ୍ତଙ୍କ ନିକଟରୁ ଜବତ ହୋଇଥିବା ଅପରାଧରେ ବ୍ଯବହୃତ ହେଉଥିବା ୭୯ ସେମି ଲମ୍ବ ଗୋଟିଏ କାଠ ବାଡ଼ି, ଗୋଟିଏ ରିଅଲମି ମୋବାଇଲ୍ ଫୋନ୍। ଘଟଣାରେ ଅନ୍ୟ ଅଭିଯୁକ୍ତମାନଙ୍କ ସମ୍ପୃକ୍ତି ନେଇ ଏପର୍ଯ୍ୟନ୍ତ ଯାଞ୍ଚ ହୋଇନାହିଁ | ତଦନ୍ତକାରୀ ଅଧିକାରୀଙ୍କ ମଧ୍ୟରେ ଆଇଆଇସି ରଞ୍ଜନ କୁମାର ନାୟକ, ଏସ୍ଆଇ ମନୋଜ ବାରା, ଏସ୍ଆଇ ଅର୍ଜୁନ ସେଠୀ, ଏସ୍ଆଇ ବୈକୁଣ୍ଠ ପରିଡା, ଏଏସଆଇ ରତ୍ନାକର ମୁଣ୍ଡା, ଏଏସଆଇ ସଞ୍ଜିତା ସାମଲ, ଏଏସଆଇ ସରୋଜ ପୁହାନ୍ ଏବଂ ବନ୍ଧମୁଣ୍ଡା ଥାନାର ଅନ୍ୟାନ୍ୟ କର୍ମଚାରୀ ।ବନ୍ଧମୁଣ୍ଡା ଥାନା କେସ୍ ନଂ. ୧୮ ତାରିଖ ୦୮.୦୧.୨୦୨୬ରେ ବିଏନ୍ଏସର ଧାରା ୧୦୩(୧)/୩(୫) ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
About the Author
