ବୀରମିତ୍ରପୁର: ୧୩/୨ (ଉତ୍କଳ ସମାଚାର)ବୀରମିତ୍ରପୁରରେ ଜଣେ ବୃଦ୍ଧା ଏବଂ ତାଙ୍କ ଦିବ୍ୟାଙ୍ଗ ପୁଅଙ୍କଠାରୁ ପେନସନ ଟଙ୍କା ଲୁଟ୍ ହୋଇଥିବା ଏକ ଚାଞ୍ଚଲ୍ୟକର ତଥା ଦୁଃଖଦାୟକ ଘଟଣା ସାମ୍ନାକୁ ଆସିଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଅପରାଧୀଙ୍କ ବଢୁଥିବା ସାହସକୁ ନେଇ ଚିନ୍ତା ପ୍ରକଟ କରିଛି। ବୀରମିତ୍ରପୁର ଆଲେକ୍ଜାଣ୍ଡାର୍ ସ୍କୁଲ୍ ନିକଟ ଗୁରୁବାର, ଯେତେବେଳେ ବରିଷ୍ଠ ନାଗରିକ ଏବଂ ଭିନ୍ନକ୍ଷମମାନଙ୍କୁ ପେନସନ ବଣ୍ଟନ କରାଯାଉଥିଲା।୮୦ ବର୍ଷୀୟା ଲୁଇସ୍ ଟପ୍ପୋ ଏବଂ ତାଙ୍କର ମୂକ ଓ ବଧିର ପୁଅ।ଲୁଇସ୍ ଟପ୍ପୋ ନିଜର ବାର୍ଦ୍ଧକ୍ୟ ଭତ୍ତା ୩,୫୦୦ ଟଙ୍କା ଏବଂ ତାଙ୍କ ଦିବ୍ୟାଙ୍ଗ ପୁଅଙ୍କ ପାଇଁ ଉଦ୍ଦିଷ୍ଟ ୧,୨୦୦ ଟଙ୍କା ସଂଗ୍ରହ କରି ଏକ ବ୍ୟାଗରେ ଧରି ଘରକୁ ଫେରୁଥିଲେ। ଏହି ସମୟରେ ଜଣେ ଅଜ୍ଞାତ ଦୁର୍ବୃତ୍ତ ସ୍କୁଟରରେ ଆସି ହଠାତ୍ ତାଙ୍କଠାରୁ ଟଙ୍କା ବ୍ୟାଗ୍ ଛଡ଼ାଇ ନେଇ ଫେରାର ହୋଇଯାଇଥିଲା। ପୁଅ ଜଣକ କଥା କହିପାରୁ ନଥିବାରୁ ସେ ପାଟି କରି କାହାକୁ ସାହାଯ୍ୟ ମାଗିପାରି ନଥିଲେ, ଯାହାଫଳରେ ଲୁଟେରା ଜଣକ ସହଜରେ ଖସି ପଳାଇଥିଲା।ଖବର ପାଇ ବୀରମିତ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଅଭିଯୁକ୍ତକୁ ଚିହ୍ନଟ କରିବା ପାଇଁ ପୋଲିସ ଆଖପାଖ ଅଞ୍ଚଳର କ୍ୟାମେରା ଫୁଟେଜ୍ ଯାଞ୍ଚ କରୁଛି।ଏହି ଘଟଣାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଭବିଷ୍ୟତରେ ଏଭଳି ଅପରାଧ ରୋକିବା ପାଇଁ ପେନସନ ବଣ୍ଟନ କେନ୍ଦ୍ରଗୁଡ଼ିକରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ଜନସାଧାରଣ ଦାବି କରିଛନ୍ତି
About the Author
