ରାଉରକେଲା ୨୬/୩,(ଉତ୍କଳ ସମାଚାର) ରାମନବମୀ ଉତ୍ସବ ପାଳନ ଅବସରରେ ଆଜି ସହରର ବିଭିନ୍ନ ଆଖଡ଼ା କମିଟି ପକ୍ଷରୁ ଶ୍ରୀ ହନୁମାନଙ୍କ ପୂଜା ଅନୁଷ୍ଠିତ ହେଉଛି। ଏହି ଅବସରରେ ରାଣା ପ୍ରତାପ ଆଖଡ଼ା କମିଟି ପକ୍ଷରୁ ଶ୍ରୀ ହନୁମାନଙ୍କର ପୂଜା କରାଯାଇଛି। ରାଉରକେଲା ମାଲ ଗୋଦାମ ଅଞ୍ଚଳର ଶ୍ରୀ ରାଣା ପ୍ରତାପ ଆଖଡ଼ା କମିଟି ପକ୍ଷରୁ ଶ୍ରୀ ହନୁମାନଙ୍କ ପ୍ରତିମା ପୂଜା କରାଯିବା ସହିତ ଆରତୀ କରାଯାଇଥିଲା। ରୀତିନୀତି ଅନୁଯାୟୀ ପଣ୍ଡିତଙ୍କ ଦ୍ୱାରା ଶ୍ରୀ ହନୁମାନଙ୍କ ପୂଜା ରାଯାଇଥିଲା। ଏହି ଅବସରରେ, ଶ୍ରୀ ରାଣା ପ୍ରତାପ ଆଖଡ଼ା କମିଟିର ସଭାପତି ଜିତେନ୍ଦ୍ର ଅଗ୍ରୱାଲଙ୍କ ସମେତ ବିନୋଦ ସାହୁ, ପପୁ ସାହୁ, ଦୌଲତ ସିଂହ, ଆଶା ନାଇଡୁ, ବାବୁ ତିର୍କୀ, ନୀଲ ପୋଲ, କରଣ ସିଂହ, ଲାଲଦେବ ମଣ୍ଡଳ, ରାଜ କୁନ୍ଦ୍ରା, ଶୁଭମ ସିଂହ ଏବଂ ଅନ୍ୟାନ୍ୟ କମିଟି ସଦସ୍ୟ ପ୍ରମୁଖ ଶ୍ରୀ ହନୁମାନଙ୍କ ପୂଜାରେ ଉପସ୍ଥିତ ଥିଲେ। ଚଳିତ ମାର୍ଚ୍ଚ ୨୮ରେ ଶ୍ରୀ ରାମନବମୀ ଅବସରରେ ସହରର ଆଖଡ଼ା କମିଟିମାନଙ୍କ ଦ୍ୱାରା ରାଉରକେଲା ସହରର ମୁଖ୍ୟ ମାର୍ଗରେ ଶୋଭାଯାତ୍ରା ବାହାର କରାଯିବାର କାର୍ଯ୍ୟକ୍ରମ ରହିଛି। ଶୋଭାଯାତ୍ରା ପୂର୍ବରୁ ଆଖଡ଼ା କମିଟିମାନଙ୍କ ଦ୍ୱାରା ପୂର୍ଣ୍ଣାଙ୍ଗ ପ୍ରସ୍ତୁତି ଚାଲିଛି।
About the Author
