ସମ୍ବଲପୁର,୧୨/୦୪(ଉତ୍କଳ ସମାଚାର),(ସରୋଜ ସାହୁ):ରେଙ୍ଗାଲିର ପୂର୍ବତନ ବିଧାୟକ ରମେଶ ପଟୁଆ ରବିବାର ଆନୁଷ୍ଠାନିକ ଭାବେ ଭାରତୀୟ ଜନତା ପାର୍ଟି (ବିଜେପି) ରେ ଯୋଗ ଦେଇଛନ୍ତି। ସମ୍ବଲପୁର ଜିଲ୍ଲା ବିଜେପି କାର୍ଯ୍ୟାଳୟ ଠାରେ ରବିବାର ପୂର୍ବାହ୍ନ ଘ.୧୧.୩୦ ମିନିଟ୍ ଶ୍ରୀ ପଟୁଆ ବିଜେପି ରେ ଯୋଗଦାନ କରିଥିଲେ I ଶ୍ରୀ ପଟୁଆ ଙ୍କ ଯୋଗଦାନ ସମୟରେ କଳାହାଣ୍ଡି ସାଂସଦ ମାଳବିକା ଦେବୀ, ବିଧାୟକ ଜୟନାରାୟଣ ମିଶ୍ର, ପୂର୍ବତନ ବିଧାୟକ ନାଉରୀ ନାୟକ, ଜିଲ୍ଲା ସଭାପତି ରାମଚନ୍ଦ୍ର ମେହେର, ବିଜେପି ନେତା ମୋତିଲାଲ ତନ୍ତୀ ପ୍ରମୁଖ ଉପସ୍ଥିତ ଥିଲେ I ଆଜି ଏହି ମିଶ୍ରଣ ପର୍ବରେ ଶ୍ରୀ ପଟୁଆଙ୍କ ସହିତ ତାଙ୍କର ପ୍ରାୟ ୨୦୦ରୁ ଅଧିକ ସମର୍ଥକ ମଧ୍ୟ ପଦ୍ମ ଧରିଛନ୍ତି। ସାଂସଦା ମାଳବିକା ଦେବୀ ଓ ବରିଷ୍ଠ ନେତା ଜୟନାରାୟଣ ମିଶ୍ର ଉତ୍ତରୀୟ ପ୍ରଦାନ କରି ଶ୍ରୀ ପଟୁଆଙ୍କୁ ଦଳକୁ ସ୍ୱାଗତ କରିଥିଲେ। ଏହି ଅବସରରେ ଶ୍ରୀ ପଟୁଆ କହିଛନ୍ତି ଯେ, ଅଞ୍ଚଳର ବିକାଶ ଏବଂ ପ୍ରଧାନମନ୍ତ୍ରୀଙ୍କ ନୀତିରେ ଅନୁପ୍ରାଣିତ ହୋଇ ସେ ବିଜେପିରେ ସାମିଲ ହୋଇଛନ୍ତି
About the Author
