ନବରଙ୍ଗପୁର,7//8,(ଉତ୍କଳ ସମାଚାର)ପାପଡ଼ାହାଣ୍ଡି ବ୍ଲକ୍ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଜାମ୍ବଗୁଡ଼ାରେ ଆସନ୍ତା ୧୦ ତାରିଖ ଦିନ ପାଳିତ ହେବାକୁ ଥିବା “ଜାତୀୟ କୃମି ନାଶକ ଦିବସ” ନିମନ୍ତେ ଏକ ସୂଚନା ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପିଲାମାନଙ୍କର ଉତ୍ତମ ସ୍ୱାସ୍ଥ୍ୟ ଏବଂ ଶାରୀରିକ ବିକାଶକୁ ଦୃଷ୍ଟିରେ ରଖି ବିଦ୍ୟାଳୟର ପ୍ରଧାନଶିକ୍ଷକ ବାବୁଲାଲ ସାଗରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ନିଆରା ପ୍ରୟାସ କରାଯାଇଛି।ସ୍କୁଲ୍ ଓ ଗଣଶିକ୍ଷା ବିଭାଗର ନିର୍ଦ୍ଦେଶକ୍ରମେ, ବିଦ୍ୟାଳୟର ସମସ୍ତ ଛାତ୍ରଛାତ୍ରୀଙ୍କୁ କୃମି ମୁକ୍ତ କରିବା ପାଇଁ ଆସନ୍ତା ୧୦ ତାରିଖରେ ‘ଆଲବେଣ୍ଡାଜୋଲ୍’ ବଟିକା ପ୍ରଦାନ କରାଯିବ। ଏଥିପାଇଁ ବିଦ୍ୟାଳୟ ପରିସରରେ ଏକ ସଚେତନତା ସଭାର ଆୟୋଜନ କରାଯାଇ ପିଲାମାନଙ୍କୁ କୃମି ସଂକ୍ରମଣର କାରଣ ଓ ଏହାର ନିରାକରଣ ବିଷୟରେ ବିସ୍ତୃତ ତଥ୍ୟ ଦିଆଯାଇଛି।କୃମି ରୋଗର କାରଣଅସ୍ୱାସ୍ଥ୍ୟକର ପରିବେଶ: ଖୋଲା ସ୍ଥାନରେ ମଳତ୍ୟାଗ କରିବା ଦ୍ୱାରା କୃମିର ଅଣ୍ଡା ମାଟି ଓ ପାଣିରେ ମିଶିଥାଏ।ଦୂଷିତ ଖାଦ୍ୟ ଓ ଜଳ: ଅପରିଷ୍କାର ଖାଦ୍ୟ କିମ୍ବା ବିଶୁଦ୍ଧ ନଥିବା ପାଣି ପିଇବା ଦ୍ୱାରା।ଅପରିଷ୍କାର ହାତ: ଖାଇବା ପୂର୍ବରୁ କିମ୍ବା ଶୌଚାଳୟ ବ୍ୟବହାର ପରେ ସାବୁନ୍ରେ ଭଲଭାବେ ହାତ ନଧୋଇବା।ଖାଲି ପାଦରେ ଚାଲିବା: ମାଟିରେ ଖାଲି ପାଦରେ ଚାଲିବା ଦ୍ୱାରା ମାଟିରେ ଥିବା ସୂକ୍ଷ୍ମ କୃମି ଚର୍ମ ଦେଇ ଶରୀରରେ ପ୍ରବେଶ କରନ୍ତି।କୃମି ରୋଗରୁ ରକ୍ଷା ପାଇବାର ସୂଚନା ଓ ସଚେତନତାନିୟମିତ ଆଲବେଣ୍ଡାଜୋଲ୍ ବଟିକା ସେବନ: (ସରକାରଙ୍କ ଦ୍ୱାରା ନିର୍ଦ୍ଧାରିତ ଦିବସରେ) କୃମି ନାଶକ ବଟିକା ଖାଇବା।ସ୍ୱଚ୍ଛତା ଅଭ୍ୟାସ: ଖାଇବା ପୂର୍ବରୁ ଏବଂ ଶୌଚାଳୟ ବ୍ୟବହାର ପରେ ସାବୁନ୍ ଓ ସ୍ୱଚ୍ଛ ଜଳରେ ଭଲଭାବେ ହାତ ଧୋଇବା।ସଫା ପାଣି ଓ ଖାଦ୍ୟ: ସଦାସର୍ବଦା ଫୁଟାଯାଇଥିବା କିମ୍ବା ବିଶୁଦ୍ଧ ପାଣି ପିଇବା ଏବଂ ଖାଦ୍ୟକୁ ଘୋଡ଼ାଇ ରଖିବା। ଫଳ ଓ ପନିପରିବାକୁ ଭଲଭାବେ ଧୋଇ ବ୍ୟବହାର କରିବା।ଶୌଚାଳୟର ବ୍ୟବହାର: ଖୋଲା ସ୍ଥାନରେ ମଳତ୍ୟାଗ ନକରି ସଦାସର୍ବଦା ଶୌଚାଳୟ ବ୍ୟବହାର କରିବା।ଚପଲ ପିନ୍ଧିବା: ବାହାରକୁ ଯିବା ସମୟରେ କିମ୍ବା ମାଟିରେ ଖେଳିବା ସମୟରେ ସଦାସର୍ବଦା ଗୋଡ଼ରେ ଚପଲ କିମ୍ବା ଜୋତା ପିନ୍ଧିବା।ଏହି ସଚେତନତା କାର୍ଯ୍ୟକ୍ରମରେ ବିଦ୍ୟାଳୟର ସହକାରୀ ଶିକ୍ଷକ ବିନୋଦ ଓ ରାମେଶ୍ୱର ବିଷୋୟୀ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ପିଲାମାନଙ୍କର ଶାରୀରିକ ଓ ମାନସିକ ବିକାଶ ପାଇଁ କୃମିମୁକ୍ତ ହେବା ଅତ୍ୟନ୍ତ ଜରୁରୀ ବୋଲି ସେମାନେ ମତ ପ୍ରକାଶ କରିଥିଲେ। ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଅତ୍ୟନ୍ତ ଉତ୍ସାହର ସହ ଏହି ର୍ଯ୍ୟକ୍ରମରେ ଭାଗ ନେଇଥିଲେ ଏବଂ ଆଗାମୀ ଦିନରେ ନିଜ ସ୍ୱାସ୍ଥ୍ୟ ଓ ସ୍ୱଚ୍ଛତା ପ୍ରତି ଧ୍ୟାନ ଦେଇ ସଫଳତାର ସହ କାର୍ଯ୍ୟ କରିବାକୁ ଶପଥ ନେଇଥିଲେ।
About the Author
