ରାଉରକେଲା ୪/୯,(ଉତ୍କଳ ସମାଚାର) ଗତ ସେପ୍ଟେମ୍ବର ୩ ତାରିଖ ଦିନ ରାଉରକେଲା ସେକ୍ଟର-୧୫ ଥାନାର ଏସ୍ଆଇ ଅମ୍ବିକା ମାରାଣ୍ଡି, ସେକ୍ଟର-୧୮ ସ୍ଥିତ ଉତ୍କଳ ବସ୍ତିରେ ଗୋଟିଏ ବେଆଇନ ଫାୟାରୱାର୍କସ ଗୋଡାଉନକୁ ଚିହ୍ନଟ କରିଥିଲେ ଏବଂ ଗୋଡାଉନରୁ ବିଭିନ୍ନ ବ୍ରାଣ୍ଡର ବିଭିନ୍ନ ପ୍ରକାରର ଫାୟାରୱାର୍କସ ଥିବା ୨୨ଟି ପେପର୍ କାର୍ଟୁନ୍ ପ୍ୟାକେଟ୍ ଜବତ କରିଥିଲେ। ଯାଞ୍ଚ ପରେ ଗୋଡାଉନଟି ସେକ୍ଟର-୧୫ ଥାନା ଅଧିନସ୍ଥ ସେକ୍ଟର-୧୮ ଉତ୍କଳ ବସ୍ତିର ଦୀପକ କୁମାର ଶା (୨୮) ଏହାକୁ ଦାବି କରିବା ପରେ ତାଙ୍କ ପାଖରେ ଥିବା ସମସ୍ତ ବିସ୍ଫୋରକ ବାଣ କ୍ରାକରର ସମର୍ଥନରେ କୌଣସି ଲାଇସେନ୍ସ ଦେଖାଇ ପାରି ନଥିଲେ। ସେ ଆହୁରି କହିଛନ୍ତି ଯେ ତାଙ୍କର ବ୍ୟକ୍ତିଗତ ଲାଭ ପାଇଁ ଏବଂ ସାଧାରଣ ଜନତାଙ୍କୁ ଏହା ବିକ୍ରୟ କରିଆସୁଛନ୍ତି। ତାଙ୍କ ନିକଟରୁ ଜବତ୍ କରାଯାଇଥିବା ବାଣ ମଧ୍ୟରେ ବିଭିନ୍ନ ବ୍ରାଣ୍ଡର ବିଭିନ୍ନ ପ୍ରକାରର ବାଣ କ୍ରାକର ଥିବା ୨୨ଟି ପ୍ୟାକ୍ କାଗଜ କାର୍ଟୁନ୍ ପ୍ୟାକେଟ ଯାହାର ମୋଟ ଓଜନ ୨୬୫.୦୮ କିଲୋଗ୍ରାମ ଏବଂ ମୂଲ୍ୟ ପ୍ରାୟ ୧.୫ ଲକ୍ଷ ଟଙ୍କା। ଗିରଫ ଅଭିଯୁକ୍ତ ହେଲେ ସେକ୍ଟର-୧୫ ଥାନା ଅଧିନସ୍ଥ ସେକ୍ଟର-୧୮ ଉତ୍କଳ ବସ୍ତିର ଦୀପକ କୁମାର ଶା (୨୮)। ଅଭିଯୁକ୍ତଙ୍କ ବିରୋଧରେ ସେକ୍ଟର-୧୫ ଥାନା କେସ୍ ନମ୍ବର- ୧୪୮ ତାରିଖ ୦୩.୦୯.୨୦୨୬ U/s-୨୮୮ BNS R/w- ଧାରା ୫ ଓଡ଼ିଶା ଫାୟାରୱାକ୍ସ ଏବଂ ଲାଉଡ୍ ସ୍ପିକର ଆଇନ (ନିୟନ୍ତ୍ରଣ ଆଇନ)/ ୯ (ବି) (୧) (ଖ) ଭାରତୀୟ ବିସ୍ଫୋରକ ଆଇନ ବଳରେ ମାମଲା ରୁଜୁ କରାଯାଇଛି।
About the Author
