ରାଉରକେଲା ୨୭/୯,(ଉତ୍କଳ କାମାଚାର) ବନ୍ୟପ୍ରାଣୀ ସଂରକ୍ଷଣ ସହ ଜଙ୍ଗଲ ସୁରକ୍ଷା ଏବଂ ମାନବ – ବନ୍ୟପ୍ରାଣୀ ସହାବସ୍ଥାନକୁ ପ୍ରୋତ୍ସାହିତ କରିବା ପାଇଁ ଆଜି ରାଉରକେଲାରେ ଏକ ସଚେତନତା ଶୋଭାଯାତ୍ରା ସହିତ ୭୨ତମ ବନ୍ୟପ୍ରାଣୀ ସପ୍ତାହ ପାଳନ-୨୦୨୬ ଅତ୍ୟନ୍ତ ଉତ୍ସାହର ସହିତ ପାଳନ କରାଯାଇଛି। ଏହି ସଚେତନତା ରାଲିରେ ରାଉରକେଲା ବିଧାୟକ ସାରଦା ପ୍ରସାଦ ନାୟକ, ପଶ୍ଚିମାଞ୍ଚଳ ରେଞ୍ଜ ଡିଆଇଜି ବ୍ରିଜେଶ କୁମାର ରାୟ, ରାଉରକେଲା ଆଞ୍ଚଳିକ ବନ ସଂରକ୍ଷକ (RCCF) ରାମସ୍ଵାମୀ ପି, ସୁନ୍ଦରଗଡ ଜିଲ୍ଲାପାଳ ଡକ୍ଟର ଶୁଭଙ୍କର ମହାପାତ୍ର, ରାଉରକେଲା ଡିଏଫ୍ଓ ରବିକାନ୍ତ ମିନାଙ୍କ ସମେତ ବନ ବିଭାଗର ବରିଷ୍ଠ ବନ ଅଧିକାରୀ ଏବଂ ବିଭାଗୀୟ କର୍ମଚାରୀମାନେ ଯୋଗ ଦେଇଥିଲେ। ଶୋଭାଯାତ୍ରା ଡିପ୍ତୀ ହୋଟେଲ ଠାରୁ ଆରମ୍ଭ ହୋଇ ଇନ୍ଦିରା ଗାନ୍ଧୀ ପାର୍କ ଅଭିମୁଖେ ଯାତ୍ରା କରିଥିଲା। ପ୍ରାୟ ୧୫୦ ସ୍କୁଲ ଛାତ୍ରଛାତ୍ରୀ ଏବଂ ଜନସାଧାରଣ ଉତ୍ସାହର ସହିତ ଏହି ଶୋଭାଯାତ୍ରାରେ ଅଂଶଗ୍ରହଣ କରି ବନ୍ୟପ୍ରାଣୀ ଏବଂ ଜଙ୍ଗଲ ସଂରକ୍ଷଣ ବିଷୟରେ ସଚେତନତା ବାଣ୍ଟିଥିଲେ। ଏହି ୭୨ତମ ମାନବ-ବନ୍ୟପ୍ରାଣୀ ସପ୍ତାହ ପାଳନର ଏକ ଅଂଶ ସ୍ୱରୂପ, ଆଜି ୨୭ ସେପ୍ଟେମ୍ବରରୁ ୨ ଅକ୍ଟୋବର ପର୍ଯ୍ୟନ୍ତ ଇନ୍ଦିରା ଗାନ୍ଧୀ ପାର୍କରେ ଏକ ବନ୍ୟପ୍ରାଣୀ ସଚେତନତା ପ୍ରଦର୍ଶନୀ ମଧ୍ୟ ଆୟୋଜନ କରାଯାଇଛି। ଯେଉଁଥିରେ ବନ୍ୟପ୍ରାଣୀ, ଜୈବ ବିବିଧତା ଏବଂ ବିଭିନ୍ନ ସଂରକ୍ଷଣ ପଦକ୍ଷେପ ପ୍ରଦର୍ଶିତ କରାଯାଉଛି। ପ୍ରଦର୍ଶନୀଟି ଜନସାଧାରଣଙ୍କ ପାଇଁ ଖୋଲା ରହିବା ସହିତ ଏଥିରେ ଜନସାଧାରଣ, ଛାତ୍ରଛାତ୍ରୀ ଏବଂ ପରିଦର୍ଶକମାନଙ୍କୁ ଭବିଷ୍ୟତ ପିଢ଼ି ପାଇଁ ଆମର ସମୃଦ୍ଧ ପ୍ରାକୃତିକ ଐତିହ୍ୟକୁ ଅନୁସନ୍ଧାନ, ଶିଖିବା ଏବଂ ସୁରକ୍ଷା କରିବାରେ ଯୋଗଦାନ ଦେବାକୁ ଆମନ୍ତ୍ରଣ କରାଯାଇଛି।
About the Author
