ରାଉରକେଲା ୨୪/୪,(ଉତ୍କଳ ସମାଚାର)ସନ୍ଥ ନିରଙ୍କରୀ ସତ୍ସଙ୍ଗ ଭବନରେ ଆଜି ମାନବ ଏକତା ଦିବସ ଅବସରରେ ସନ୍ଥ ନିରଙ୍କରୀ ଚାରିଟେବଲ୍ ଫାଉଣ୍ଡେସନ୍ ଦ୍ୱାରା ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି। ଏହି ଅବସରରେ, ରାଉରକେଲା ବିଧାୟକ ଶାରଦା ପ୍ରସାଦ ନାୟକ ମୁଖ୍ୟ ଅତିଥି ଭାବରେ ଯୋଗଦେଇ ଫିତା କାଟିବା ସହିତ ରକ୍ତଦାନ ଶିବିର ଏବଂ ପ୍ରଦର୍ଶନୀକୁ ଉଦ୍ଘାଟନ କରିଥିଲେ। ଏହି କାର୍ଯ୍ୟକ୍ରମରେ ରାଉରକେଲାର ସନ୍ଥ ନିରଙ୍କରୀ ମିଶନ ସଂଯୋଜକ ରାମେଶ୍ୱର ସାହୁ, କୁଳମଣି ଜେନା, କାର୍ଯ୍ୟକ୍ରମ ସଂଯୋଜକ ବ୍ରିଜେଶ ମହାତୋ, ସନ୍ତୋଷ ସ୍ୱାଇଁ, ରାଉରକେଲା ସରକାରୀ ହସ୍ପିଟାଲ ନିର୍ଦ୍ଦେଶକ ଆନନ୍ଦ ଗୋପାଳ ମହାନ୍ତି ଏବଂ ରକ୍ତଭଣ୍ଡାର ଟେକ୍ନିସିଆନଙ୍କ ଏକ ଦଳ ଉପସ୍ଥିତ ଥିଲେ। ମୁଖ୍ୟ ଅତିଥି ଶ୍ରୀ ନାୟକ ତାଙ୍କ ବକ୍ତବ୍ୟରେ କହିଥିଲେ ଯେ ରକ୍ତଦାନଠାରୁ ବଡ଼ ଦାନ ଆଉ କିଛି ନାହିଁ। ଆପଣଙ୍କ ରକ୍ତ ଜଣେ ବ୍ୟକ୍ତିଙ୍କ ଜୀବନ ରକ୍ଷା କରିପାରିବ। ପ୍ରତ୍ୟେକ ବ୍ୟକ୍ତି ରକ୍ତଦାନ କରିବା ଉଚିତ। ସେ ସନ୍ଥ ନିରଙ୍କରୀ ମିଶନ ଦ୍ୱାରା ଆୟୋଜିତ ପ୍ରଦର୍ଶନୀ ମଧ୍ୟ ପରିଦର୍ଶନ କରିଥିଲେ। ଏହି ଅବସରରେ, କାର୍ଯ୍ୟକ୍ରମର ସଂଯୋଜକ ବ୍ରିଜେଶ ମହାତୋ କହିଥିଲେ ଯେ ଆଜି ସନ୍ଥ ନିରଙ୍କରୀ ମିଶନ ମାନବ ଏକତା ଦିବସରେ ସାରା ଭାରତରେ ଏକ ବିଶାଳ ରକ୍ତଦାନ ଶିବିର ଆୟୋଜନ କରାଯାଇଛି। ସାରା ଭାରତରୁ ଏକ ଲକ୍ଷ ୟୁନିଟ୍ ରକ୍ତ ସଂଗ୍ରହ କରିବାକୁ ନିଷ୍ପତ୍ତି ନିଆଯାଇଛି, ଯାହା ସାରା ଭାରତରେ ଆୟୋଜନ କରାଯାଉଛି। ରକ୍ତଦାନ ଶିବିର ସମୟରେ ଏହା ସହିତ ଏକ ସତସଙ୍ଗ ମଧ୍ୟ ଆୟୋଜନ କରାଯାଇଥିଲା। ଏହି ରକ୍ତଦାନ ଶିବିରରେ ଶହ ଶହ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ରାଉରକେଲା ସମେତ ସମଗ୍ର ଜିଲ୍ଲାରୁ ସଦସ୍ୟମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମରେ ହାଲକା ଖାଦ୍ୟ ସହ ଘୋଳଦହି ଏବଂ ଭୋଜନର ମଧ୍ଯ ବ୍ୟବସ୍ଥା କରାଯାଇଥିଲା। ଏହି ଅବସରରେ ବିଜୟ ମହାପାତ୍ର, ସନ୍ତୋଷ ସ୍ୱାଇଁ, ଦାମୋଦର ସାହୁ, ବିଜୟ ମହାପାତ୍ର, ମମତା ପାତ୍ର ଏବଂ ସନ୍ଥ ନିରଙ୍କାରୀ ମିଶନର ଅନ୍ୟାନ୍ୟ ସଦସ୍ୟମାନେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ।
About the Author
