ସମ୍ବଲପୁର,୦୧/୧୦(ଉତ୍କଳ ସମାଚାର),(ସରୋଜ ସାହୁ):‘ସ୍ୱଚ୍ଛତା ହିଁ ସେବା’ ଅଭିଯାନ ଅଧୀନରେ ପୂର୍ବତଟ ରେଳପଥର ସମ୍ବଲପୁର ରେଳ ମଣ୍ଡଳ ପକ୍ଷରୁ ବିଭିନ୍ନ ସ୍ଥାନରେ ‘ସଫାଇ ମିତ୍ର ସୁରକ୍ଷା ଶିବିର’ ଓ ସ୍ୱତନ୍ତ୍ର ସ୍ୱାସ୍ଥ୍ୟ ଶିବିର ଆୟୋଜନ କରାଯାଇଥିଲା।ରେଳ ପରିସର, କଲୋନୀ ଓ ଷ୍ଟେସନଗୁଡ଼ିକରେ ପରିଷ୍କାର ପରିଚ୍ଛନ୍ନତା ବଜାୟ ରଖୁଥିବା ସଫାଇ ମିତ୍ର ଓ ଅଗ୍ରଣୀ ସଫେଇ କର୍ମୀଙ୍କ ସ୍ୱାସ୍ଥ୍ୟ, ସୁରକ୍ଷା ଓ କଲ୍ୟାଣକୁ ଏହି ପଦକ୍ଷେପରେ ଗୁରୁତ୍ୱ ଦିଆଯାଇଥିଲା। ରେଳ ଡାକ୍ତର ଓ ପାରାମେଡିକାଲ୍ କର୍ମଚାରୀମାନେ ଶିବିରରେ ରକ୍ତଚାପ, ରକ୍ତ ଶର୍କରା, ଦୃଷ୍ଟିଶକ୍ତି ଓ ସାଧାରଣ ସ୍ୱାସ୍ଥ୍ୟର ମାଗଣା ପରୀକ୍ଷା କରିଥିଲେ। ଏହା ସହିତ ସ୍ୱଚ୍ଛତା, ପ୍ରତିରୋଧମୂଳକ ସ୍ୱାସ୍ଥ୍ୟସେବା ଏବଂ ଅଳିଆ ପରିଚାଳନା ଓ ସଫେଇ କାମ ସମୟରେ ବ୍ୟକ୍ତିଗତ ସୁରକ୍ଷା ଉପକରଣ ବ୍ୟବହାର ସମ୍ପର୍କରେ ସଚେତନ କରାଯାଇଥିଲା। ସ୍ୱଚ୍ଛ ପରିବେଶ ବଜାୟ ରଖିବା ସହ ସଫେଇ କର୍ମୀଙ୍କ କଲ୍ୟାଣ ସୁନିଶ୍ଚିତ କରିବା ଏହି ଅଭିଯାନର ଉଦ୍ଦେଶ୍ୟ ବୋଲି ସମ୍ବଲପୁର ରେଳ ମଣ୍ଡଳ ପକ୍ଷରୁ କୁହାଯାଇଛି
About the Author
