ରାଉରକେଳା,22//1,(ଉତ୍କଳ ସମାଚାର) ଓଡ଼ିଶା – ଆଜି ଗୁରୁ ନାନକ ପବ୍ଲିକ୍ ସ୍କୁଲ, ସେକ୍ଟର-୨୧, ରାଉରକେଳାର ୧୬୦ ଛାତ୍ରଛାତ୍ରୀ ଓ ୪ ଜଣ ଶିକ୍ଷକ ଶିକ୍ଷାମୂଳକ ଭ୍ରମଣରେ ଆମ ସଂସ୍ଥାନକୁ ଆସିଥିଲେ।ଭ୍ରମଣ ସମୟରେ ଛାତ୍ରଛାତ୍ରୀମାନେ ଗୃହସ୍ଥୀ ମସଲା ଫ୍ୟାକ୍ଟରୀ, ଶ୍ରୀ ଗୋମନ୍ଦିର ଗୋଶାଳା ଓ ଗୃହସ୍ଥୀ ଡେୟାରୀ ପରିଦର୍ଶନ କରି ମସଲା ତିଆରି ପ୍ରକ୍ରିୟା, ଗୋ-ସେବା, ସ୍ୱଚ୍ଛତା ମାନଦଣ୍ଡ ଓ ଡେୟାରୀ ପରିଚାଳନା ବିଷୟରେ ଜାଣିଲେ। ଏହାର ଉଦ୍ଦେଶ୍ୟ ଛାତ୍ରଛାତ୍ରୀଙ୍କୁ କୃଷି, ଖାଦ୍ୟ ପ୍ରସେସିଂ ଓ ସସ୍ଥାୟୀ ବିକାଶ ସମ୍ପର୍କରେ ଅବଗତ କରାଇବା ଥିଲା।ଛାତ୍ରଛାତ୍ରୀମାନଙ୍କୁ ଆମ ନେତୃତ୍ୱ ଦଳ ପକ୍ଷରୁ ସ୍ୱାଗତ କରାଯାଇଥିଲା, ଯେଉଁଥିରେ ସିଏମଡି ଶ୍ରୀ ଗଣେଶ ପ୍ରସାଦ ବଗଡ଼ିଆ, ଏମଡି ଶ୍ରୀ ଗୋକୁଳ ଆନନ୍ଦ ବଗଡ଼ିଆ, ନିର୍ଦ୍ଦେଶିକା ଶ୍ରୀମତୀ ମଞ୍ଜୁ ଦେବୀ ବଗଡ଼ିଆ ଓ ସିଇଓ ଶ୍ରୀ ଅମିତ କୁମାର ଅଗ୍ରୱାଲ ଉପସ୍ଥିତ ଥିଲେ। ସେମାନେ ଛାତ୍ରଛାତ୍ରୀମାନଙ୍କ ସହ ଆଲୋଚନା କରି ଶିସ୍ଟାଚାର, ନବୋତ୍ଥାନ ଓ ଭବିଷ୍ୟତ କ୍ୟାରିୟର ପାଇଁ ପ୍ରେରିତ କରିଥିଲେ।ଏହି କାର୍ଯ୍ୟକ୍ରମର ସଫଳ ସଂଚାଳନାରେ ସୁଶ୍ରୀ ସୁଭଶ୍ରୀ ରାୟ, ଏଚଆର୍ ମ୍ୟାନେଜର ଶ୍ରୀମତୀ ସଗୀତା କୁଣ୍ଡୁ ଓ ଶ୍ରୀମତୀ ଅଞ୍ଜଳି ସାହୁ ସହଯୋଗ କରିଥିଲେ।ଏହି ଭ୍ରମଣରେ ଗୁରୁ ନାନକ ପବ୍ଲିକ୍ ସ୍କୁଲର କ୍ଲାସ-୬ ଶିକ୍ଷୟିତ୍ରୀମାନେ ସୁଶ୍ରୀ ପାର୍ଥବୀ ପଟ୍ଟନାୟକ (ସାମାଜିକ ବିଜ୍ଞାନ), ସୁଶ୍ରୀ ନୀତୁ ସିଂହ (ଆର୍ଟିଫିସିଆଲ୍ ଇଣ୍ଟେଲିଜେନ୍ସ), ସୁଶ୍ରୀ ରଚନା ସାବତ (ବିଜ୍ଞାନ) ଓ ସୁଶ୍ରୀ ପ୍ରଜ୍ଞା ପରମିତା ସ୍ୱାଇଁ (ବିଜ୍ଞାନ) ଉପସ୍ଥିତ ଥିଲେ ଓ ଛାତ୍ରଛାତ୍ରୀମାନଙ୍କୁ ନିରୀକ୍ଷଣ କରୁଥିଲେ।ଏହି ଶିକ୍ଷାମୂଳକ ଭ୍ରମଣ ଜ୍ଞାନବର୍ଦ୍ଧକ, ପ୍ରେରଣାଦାୟକ ଓ ଆନନ୍ଦଦାୟକ ଥିଲା। ଆମ ସଂସ୍ଥାନ ଆଗାମୀ ଦିନରେ ମଧ୍ୟ ଶିକ୍ଷା ସଂସ୍ଥାମାନଙ୍କ ସହ ମିଶି ଛାତ୍ରଛାତ୍ରୀଙ୍କୁ ବ୍ୟବହାରିକ ଅନୁଭବ ଦେବାକୁ ପ୍ରତିବଦ୍ଧ।
About the Author
