*ମାଗଣା ମୋତିଆବିନ୍ଦୁ ଅସ୍ତ୍ରୋପଚାରର ସହଯୋଗୀ ଏବଂ ଦାତାଙ୍କୁ ମିଳିଲା ସମ୍ମାନ
ରାଉରକେଲା ୬/୪, ଲାୟନ୍ସ କ୍ଲବ ଅଫ୍ ରାଉରକେଲା ବେଦବ୍ୟାସ ଦ୍ୱାରା ପରିଚାଳିତ ରାଉରକେଲା ବେଦବ୍ୟାସ ଲାୟନ୍ସ ଚକ୍ଷୁ ଓ ଜେନେରାଲ ହସ୍ପିଟାଲରେ ମାର୍ଚ୍ଚ ମାସ ମଧ୍ୟରେ ଅନୁଷ୍ଠିତ ମାଗଣା ଆଇଓଏଲ୍ ବା ମୋତିଆବିନ୍ଦୁ ଶିବିର ସଫଳ ଅସ୍ତ୍ରୋପଚାର ପରେ ଆଜି ସୋମବାରରେ ମାଗଣା ଚଷମା ଓ ଔଷଧ ବଣ୍ଟନ କରାଯିବା ସହିତ ଦାତାଙ୍କୁ ସମ୍ମାନିତ କରିବା ସହ ସମାପ୍ତ ହୋଇଥିଲା। ଏହି କାର୍ଯ୍ୟକ୍ରମ ସକାଳ ୧୦ଟା ୩୦ରେ ଲାୟନ୍ସ ହସ୍ପିଟାଲ ପରିସରରେ ଅନୁଷ୍ଠିତ ହୋଇଥିଲା।
୨୦୨୬ ମାର୍ଚ୍ଚ ମାସରେ, ହସ୍ପିଟାଲରେ ବିଶାଳ ମାଗଣା ଚକ୍ଷୁ ପରୀକ୍ଷା ଅଭିଯାନ କରଯାଇଥିଲା। ଏଥିରେ ୬ଟି ଭିନ୍ନ ଭିନ୍ନ ଗାଁରେ ଶିବିର ସ୍ଥାପନ କରାଯାଇଥିଲା। ଗରୀବ ଓ ଅବହେଳିତ ରୋଗୀଙ୍କୁ ଚିହ୍ନଟ କରି ହସ୍ପିଟାଲକୁ ଅଣାଯାଇଥିଲା। ଏହି ଶିବିର ମାଧ୍ୟମରେ, ମୋଟ ୨୩୯ ଜଣ ରୋଗୀଙ୍କର ସଫଳ ମୋତିଆବିନ୍ଦୁ (IOL) ଅସ୍ତ୍ରୋପଚାର କରାଯାଇ ସେମାନଙ୍କ ଦୃଷ୍ଟିଶକ୍ତି ଫେରାଇ ଅଣାଯାଇଛି।
ଏହି ଅବସରରେ, ନିଶୁଳ୍କ ଅସ୍ତ୍ରୋପଚାର ଶିବିରର ସଫଳ ପରିଚାଳନାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିବା ପ୍ରେମ ଭଟ୍ଟର ଏବଂ ସରୋଜ ଭଟ୍ଟରଙ୍କ ପରିବାର ସଦସ୍ୟଙ୍କୁ ସ୍ୱତନ୍ତ୍ର ଭାବରେ ନିମନ୍ତ୍ରଣ ଏବଂ ସମ୍ମାନିତ କରାଯାଇଥିଲା। ଏହି ଦାତାମାନେ ୨୦୨୬ ମାର୍ଚ୍ଚ ୧ରୁ ମାର୍ଚ୍ଚ ୩୧ ପର୍ଯ୍ୟନ୍ତ ଅନୁଷ୍ଠିତ ଶିବିରଗୁଡ଼ିକରେ ସହଯୋଗ କରି ପ୍ରଶଂସନୀୟ ଅବଦାନ ଦେଇଥିଲେ। ଲାୟନ୍ ସିଏ ପବନ ଅଗ୍ରୱାଲ (ସଭାପତି), ଲାୟନ୍ ସୁରେଶ କେଜରିୱାଲ (ହସ୍ପିଟାଲ ଅଧ୍ୟକ୍ଷ), ଲାୟନ୍ ବିକାଶ ବିନ୍ଦଲ (ସଚିବ), ଲାୟନ୍ ସିଏ ଅଖିଲ ଶାହ (କୋଷାଧ୍ୟକ୍ଷ) ଏବଂ ଅନ୍ୟାନ୍ୟ କ୍ଲବ ସଦସ୍ୟ ସମ୍ମାନିତ ଉତ୍ସବରେ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ସମ୍ବୋଧିତ କରି ହସ୍ପିଟାଲର ଅଧ୍ୟକ୍ଷ ଲାୟନ୍ ସୁରେଶ କେଜରିୱାଲ କହିଛନ୍ତି ଯେ ଲାୟନ୍ସ କ୍ଲବ ଅଫ୍ ରାଉରକେଲା ବେଦବ୍ୟାସ, ସମାଜର ଅବହେଳିତ ବର୍ଗକୁ ଉତ୍ତମ ସ୍ୱାସ୍ଥ୍ୟ ସେବା ଯୋଗାଇବା ପାଇଁ ପ୍ରତିବଦ୍ଧ। ସେ କହିଥିଲେ ଯେ ଭବିଷ୍ୟତରେ ଏହି ସେବା ଅଭିଯାନ ଜାରି ରହିବ।
About the Author
