ରାଉରକେଲା ,୭/୪(ଉତ୍କଳ ସମାଚାର): ଇରାନ୍ ବିରୋଧରେ ଆମେରିକା ଓ ଇସ୍ରାଏଲର ଯୁଦ୍ଧ ଆରମ୍ଭ ଏବଂ ପରବର୍ତ୍ତୀ ସମୟରେ ଏହା ସମଗ୍ର ମଧ୍ଯପ୍ରାଚ୍ଯକୁ ବ୍ଯାପିବା ଫଳରେ ଷ୍ଟ୍ରେଟ୍ଅପ ଫରମୁସ୍ ଇରାନର ନିୟନ୍ତ୍ରଣରେ ଥିବାରୁ ଏଲପିଜି ଗ୍ଯାସ୍ ସଙ୍କଟ ଓ ତୈଳ ସଙ୍କଟ ଦେଖାଦେଇଛି। କିନ୍ତୁ ଇରାନ୍ ଭାରତର ତୈଳବାହୀ ଜାହାଜ ଏବଂ ଏଲପିଜି ଗ୍ଯାସ ବୋଝେଇ ଜାହାଜକୁ ଛାଡି ଦେଉଥିବା ବେଳେ, ଭାରତ ସରକାର ସମସ୍ତ ଭାରତୀୟଙ୍କୁ ଏଲପିଜି ସଙ୍କଟ ନହେବା ପାଇଁ ପ୍ରତିଶ୍ରୁତି ଦେଇଛନ୍ତି। କିନ୍ତୁ କେତେକ ଡିଷ୍ଟ୍ରିବ୍ୟୁଟର ଏବଂ ଡିଲର, ଲାଭଖୋର ମନୋବୃତ୍ତିି ରଖି ଏଲପିଜି ଗ୍ଯାସ ମହଜୁଦ ରଖୁଛନ୍ତି।
ଆଜି ରାଉରକେଲା ସ୍ସେକ୍ଟର-୭ ଥାନା ଅଧିନସ୍ଥ ସେକ୍ଟର-୯ ଅଞ୍ଚଳର ଇ-ବ୍ଲକ୍ରେ ଥିବା ଏକ ଗ୍ୟାରେଜରୁ ରାଉରକେଲା ଯୋଗାଣ ବିଭାଗ ଏବଂ ପୋଲିସର ମିଳିତ ଚଢାଉରେ ୧୬୧ଟି ଗ୍ଯାସ୍ ସିଲିଣ୍ଡର ଜବତ କରାଯାଇଛି। ସେଥିମଧ୍ୟରେ ୧୦୩ଟି କମର୍ସିଆଲ ଏବଂ ୫୮ଟି ଘରୋଇ ଏଲପିଜି ଗ୍ୟାସ୍ ସିଲିଣ୍ଡର ଜବତ କରାଯାଇଛି। ଏହି ଘଟଣାରେ ରାଉରକେଲା ଯୋଗାଣ ବିଭାଗର ବରିଷ୍ଠ ଅଧିକାରୀ ଏବଂ ପୋଲିସ ଅଧିକାରୀଙ୍କ ଦ୍ୱାରା ତଦନ୍ତ କରାଯାଉଛି। ରାଉରକେଲା ଇସ୍ପାତ କାରଖାନା ଅଧୀନରେ ଥିବା ଏହି ଗ୍ୟାରେଜରେ ବେଆଇନ କଳାବଜାରୀ ପାଇଁ କିଏ ଗ୍ୟାସ୍ ସିଲିଣ୍ଡର ରଖିଥିଲେ ଏବଂ କାହା ନେତୃତ୍ୱରେ ଏହି ବେଆଇନ ବ୍ୟବସାୟ ଚାଲିଥିଲା ତାହାର ତଦନ୍ତ କରାଯାଉଛି। ଏହି ଗ୍ୟାରେଜକୁ କିଏ ଭଡାରେ ନେଇଥିଲା ତାହାର ତଦନ୍ତ କରାଯାଉଛି। ଗୋଟିଏ ପଟେ ସହରରେ ଗ୍ୟାସ୍ ସିଲିଣ୍ଡରର ଏକ ବଡ଼ ଅଭାବ ରହିଛି, ଅନ୍ୟପଟେ ବେଆଇନ ବ୍ୟବସାୟୀମାନେ କଳାବଜାରୀ ପାଇଁ ଗ୍ୟାରେଜରେ ଗ୍ୟାସ୍ ସିଲିଣ୍ଡର ଲୁଚାଇ କଳାବଜାରୀ କରିବା ପାଇଁ ଏହି ବଡ଼ ଚଢାଉ କରାଯାଉଛି। ଏହି ଚଢାଉ ଗ୍ୟାସ୍ ସିଲିଣ୍ଡରର କଳାବଜାରୀକାରୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିଛି। ପୋଲିସ୍ ମଧ୍ୟ ଏହି ଘଟଣାର ତଦନ୍ତ କରୁଛି। ଯୋଗାଣ ବିଭାଗର ଅଧିକାରୀମାନେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଘଟଣାର ତଦନ୍ତ କରୁଛନ୍ତି।
About the Author
