ରାଉରକେଲା ,୨୯/୮,(ଉତ୍କଳ ସମାଚାର): ମାନବିକତା ସର୍ବାଗ୍ରେ, ଏହି ଉକ୍ତିର ପ୍ରମାଣ ସ୍ବରୂପ, ଦୁର୍ଘଟଣାରେ ଆହତ ଜଣେ ପୀଡ଼ିତଙ୍କୁ ସାହାଯ୍ୟ କରି ପ୍ରୋଟୋକଲ୍ ବାହାରେ, ମାନବିକତା ପ୍ରଥମେ ବୋଲି ଦେଖାଇଛନ୍ତି ରାଉରକେଲା ଆରକ୍ଷୀ ଅଧିକ୍ଷକ ନିତେଶ ଓ୍ବାଧଓ୍ବାନୀ । ସୂଚନା ଅନୁସାରେ ବେଦବ୍ୟାସ ଟିସିଆଇ ଛକ ନିକଟରେ ରାତି ପ୍ରାୟ ରାତି ୧୧ଟା ସମୟରେ ରାଉରକେଲା ଆରକ୍ଷୀ ଅଧିକ୍ଷକ (ଏସପି) ନିତେଶ ୱାଧୱାନୀ ଫେରୁଥିବା ସମୟରେ ଏକ ଦୁର୍ଘଟଣା ଦେଖି ତାଙ୍କ ଗାଡ଼ିକୁ ଅଣାଇଥିଲେ। ଦୁର୍ଘଟଣାରେ ଆହତ ଜଣେ ଯୁବକକୁ ଦେଖି ସେଠାରୁ ଯିବା ପରିବର୍ତ୍ତେ, ସେ ତୁରନ୍ତ ଆହତ ଯୁବକଙ୍କୁ ସାହାଯ୍ୟ କରିବାକୁ ଆଗେଇ ଆସିଥିଲେ। ସାଥିରେ ଥିବା ତାଙ୍କ ସୁରକ୍ଷା କର୍ମୀ ଏବଂ ଘଟଣାସ୍ଥଳର ଲୋକଙ୍କ ସହାୟତାରେ, ପୀଡିତଙ୍କୁ ନିଜ ଗାଡ଼ିରେ ବସାଇ ବିଳମ୍ବ ନକରି ଡାକ୍ତରଖାନାକୁ ପଠାଇ ଦିଆଯାଇଥିଲା। ଘଟଣାକୁ ନେଇ ତାଙ୍କର ବାର୍ତ୍ତା ସରଳ ଏବଂ ଶକ୍ତିଶାଳୀ ଥିଲା। “ପ୍ରୋଟୋକଲ୍ ପୂର୍ବରୁ ଏକ ମାନବ ଜୀବନ ଆସେ।” ଏହି କାର୍ଯ୍ୟକୁ ନେଇ ସେ ଜନସାଧାରଣଙ୍କ ଠାରୁ ବ୍ୟାପକ ପ୍ରଶଂସାର ପାତ୍ର ହୋଇଥିଲେ। କର୍ତ୍ତବ୍ୟ, କରୁଣା ଏବଂ ପ୍ରକୃତ ନେତୃତ୍ୱ ପ୍ରଦର୍ଶନ ପାଇଁ ଏସପିଙ୍କୁ ପ୍ରଶଂସା କରିଥିଲେ ସ୍ଥାନୀୟ ଜନସାଧାରଣ । ଜନସାଧାରଣଙ୍କ ମନ୍ତବ୍ୟରେ ଥିଲା, ସେ କେବଳ ଜଣେ ଅଧିକାରୀ ନୁହଁନ୍ତି, ବରଂ ଜଣେ ନେତା ଯିଏ ମାନବିକତାକୁ ବାଛିଥିଲେ। ଗୋଟିଏ ନିଷ୍ପତ୍ତି, ଗୋଟିଏ ଜୀବନ ଏବଂ ଏହା ଗୋଟିଏ ପ୍ରେରଣାଦାୟକ ଉଦାହରଣ।
About the Author
