ରାଉରକେଲା ୨୪/୧(ଉତ୍କଳ ସମାଚାର): ସହରର ରେଳ ଷ୍ଟେସନ ନିକଟବର୍ତ୍ତୀ ଥିବା ଅମର ଭବନ ପରିସରରେ ରାଜସ୍ଥାନ ପରିଷଦ ପକ୍ଷରୁ ଶନିବାର ଦିନ ଦୁଇ ଦିନିଆ ପ୍ରାକୃତିକ ଚିକିତ୍ସା ଶିବିରର ଶୁଭାରମ୍ଭ କରାଯାଇଛି। ରାଜସ୍ଥାନ ପରିଷଦ ଏବଂ ପ୍ରାକୃତିକ ଚିକିତ୍ସା ଶିବିର ସ୍ୱାସ୍ଥ୍ୟ ୱାଲା ଭୁବନେଶ୍ୱରର ମିଳିତ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଛି। ଏହି ଶିବିରରେ ଭୁବନେଶ୍ୱରରୁ ଆସିଥିବା ଡାକ୍ତର ମିଲନ ମୋହନ ପରାଶର ପ୍ରାକୃତିକ ଚିକିତ୍ସା ପଦ୍ଧତି ମାଧ୍ୟମରେ ସମ୍ପୂର୍ଣ୍ଣ ଶରୀରର ରୋଗକୁ ବିନା ଔଷଧରେ କିପରି ଚିକିତ୍ସା କରାଯାଇପାରିବ ତାହା ବ୍ୟାଖ୍ୟା କରିଥିଲେ। ଏହି ଦୁଇ ଦିନିଆ ଶିବିରରେ ଯୋଗ ଦେଇ ଲୋକମାନେ ଏହାର ଲାଭ ନେଇପାରିବେ ବୋଲି ସୂଚନା ଦିଆଯାଇଛି। ଏହି ଶିବିରକୁ ରାଜସ୍ଥାନ ପରିଷଦର ପୂର୍ବତନ ସଭାପତି ବଦ୍ରି ନାରାୟଣ ମାହେଶ୍ୱରୀ, ମହାବୀର ଟୋଡି, ତରୁଣ ମାଲାନି, ଶୈଳେନ୍ଦ୍ର ମାରୋଥିଆ, ସନ୍ତୋଷ ଅଗ୍ରୱାଲ, ବର୍ତ୍ତମାନର ସଭାପତି ଯୁଗଳ ମାରୋଥିଆ, ସମ୍ପାଦକ ଲଳିତ କେଜରିୱାଲ, ପୃଷ୍ଠପୋଷକ କମିଟି ସଦସ୍ୟ ବିନୋଦ ଟୋଡି, ସୁରେଶ କେଜରିୱାଲ, ଉପାଧ୍ୟକ୍ଷ ବିନୋଦ ନାରେଡି, ସହ-ସଚିବ ବିନୟ ଶର୍ମା, ମନୋଜ ଅଗ୍ରୱାଲ, କୋଷାଧ୍ୟକ୍ଷ ମୁକେଶ କେଡିଆ ଏବଂ ଶିବିରରେ ଉପସ୍ଥିତ ସମସ୍ତ କାର୍ଯ୍ୟନିର୍ବାହୀ ସଦସ୍ୟ ମିଳିତ ଭାବରେ ଉଦ୍ଘାଟନ କରିଥିଲେ। ଆଜି, ବହୁ ସଂଖ୍ୟକ ଲୋକ ଏହି ଶିବିରରେ ପହଞ୍ଚି ଲାଭ ଉଠାଇଥିଲେ।
About the Author
